पुनहिल संवाददाता
म्याग्दीमा एक पुरुषको भीरबाट खसेर मृत्यु भएको छ ।
रघुगंगा गाउँपालिका-३ पौवा निवासी ६० वर्षीय टंकबहादुर शाही घरदेखी चार सय मिटर पर पारीचौरको भीरबाट १० मिटर तल रुखको जरोमा अल्झिएको अवस्थामा मृत फेला परेका हुन् ।
विहीबार राति शौचालय जान्छु भन्दै निस्केका शाही घर नफर्केपछि खोजी गर्ने क्रममा शुक्रबार बिहान ९.०० बजे मृत भेटिएको जिल्ला प्रहरी प्रमुख डिएसपी किरणजंग कुवरले भने, ‘घटनाका बारेमा अनुसन्धान भइरहेको छ ।’
