जातीय विभेद र कोभिड – १९ले महिलामा पारेको प्रभाव सम्बन्धी अन्र्तक्रिया

गण्डकी प्रदेश सामाजिक विकास मन्त्रालय र अनौपचारिक क्षेत्र सेवा केन्द्र (इन्सेक) गण्डकी प्रदेश कार्यालय पोखराको आयोजनामा बुधवार बेनीमा ‘जातिय विभेद र कोभिड–१९ ले महिलामा पारेको प्रभाव’ विषयमा अन्र्तक्रिया भएको छ ।
कार्यक्रमका दलित अगुवा टेकबहादुर विक, पत्रकार महाँसंघका तारानाथ शर्मा, कृष्ण विक समेतकमा सहभागीहरुले जातिय छुवाछुत अवस्था, ब्यवहारिक तथा कानुनी प्रकृयामा दलितहरुका भोगाईहरु, कानुनी प्रकृया, त्यसमा पनि दलित महिलाहरुको अवस्थाका वारेमा चर्चा गरेका थिए । कार्यक्रमा स्थानीय मुक्ति ढुङ्गानाले ‘जातिय विभेद र कोभिड–१९ ले महिलामा पारेको प्रभाव’ विषयमा कार्यपत्र पेश गरेका थिए ।
कार्यक्रममा उठेका सवालहरुमा बेनी नगरपालिकाका प्रमुख प्रशासकीय अधिकृत छविलाल सुवेदी, प्रमुख जिल्ला अधिकारी उमानाथ अधिकारी, बेनी नगरपालिका प्रमुख हरीकुमार श्रेष्ठले प्रष्ट पारेका थिए ।
इन्सेक प्रतिनिधी अमृत बास्कुलेले संञ्चालन गरेको अन्र्तक्रिया कार्यक्रमको पूर्व साँसद नवराज शर्माले मन्तब्य सहित समापन गरेका थिए ।