बेनी नजिकै जीप दुर्घटना, बालिकाको मृत्यु, १० जना घाईते

बेनी नगरपालिका, ८ जलेश्वरमा रघुगंगा गाउँपालिका, ६ ढाडाखानीबाट सदरमुकाम बेनी आउँदै गरेको ग १ ज ८९६ नम्बरको बोलेरो जीप शुक्रवार करिव १२ बजे कालीगण्डकी नदी किनारामा खस्दा अन्नपूर्ण गाउँपालिका, २ भुरुङकी अन्दाजी १० बर्षिया रिया विकको उपचार क्रममा बेनी अस्पतालमा मृत्यु भएको छ । जीपमा सवार अन्य १० जना घाईते भएका छन ।
जिल्ला प्रहरी प्रमुख किरण कुँवरले दिएको विवरण अनुसार दुर्घटनामा परी घाईतेहुनेहरुमा रघुगंगा गापा, ६ ठाडाखानीका वसन्त छन्त्याल (३०), सोही ठाउँका जीप चालक नन्द छन्त्याल, कौसभा पाईजा (५०)। ठगकुमारी शेर्रपुजा (४०), सिर्जना शेर्रपुजा (२४), दीवा शेर्रपुजा (२३), इच्छा शेर्रपुजा (७), दिक्षा शेर्रपुजा (८) र बेनी नगरपालिका, ८ बस्ने दलप्रसाद गौचन (४२) रहेका छन ।
घाईतेहरुको बेनी अस्पतालमा उपचार भैरहेको र गम्भीर घाईतेलाई पोखरा रिफर गर्ने तयारी भएको पनि प्रहरीले जनाएको छ । घट्नास्थल सदरमुकाम बेनीदेखी करिव १ किलोमिटर उत्तर बेनी–बेनी जोमसोम सडक खण्डमा पर्छ । दुर्घटनाको कारण खुलेको छैन ।