‘मदन पुरस्कार-२०७६’ लागि चन्द्रप्रकाश बानियाँको ‘महारानी’ समेत छानिए ७ पुस्तक

२१ श्रावण २०७७, बुधबार १९:५६ मा प्रकाशित (1 महिना अघि)
पुनहिल संवाददाता

मदन पुरस्कार गुठीले ‘मदन पुरस्कार–२०७६’ का लागि  म्याग्दीका पूर्व साँसद चन्द्रप्रकाश बानियाँद्धारा लिखित एतिहाँसिक कथावस्तु समेटिएको उपन्यास  ‘महारानी’ उपन्यास सहित सात वटा पुस्तकहरु छनोट गरेको छ ।
यस वर्षको पुरस्कारका लागि २०७६ मा प्रकाशित १५१ पुस्तकहरु आफूलाई प्राप्त भएको गुठीले जनाएको छ । ती पुस्तकमध्ये छनोट भएका उत्कृष्ट ७ पुस्तकमध्ये एकलाई यस वर्षको मदन पुरस्कार प्रदान गरिनेछ ।

यस वर्ष मदन पुरस्कारका लागि मनोनयनमा परेका पुस्तकहरुमा विमल निभाको ‘जोकरको बन्दुक’, तीर्थ श्रेष्ठको ‘धर्सैधर्साको चक्रव्यूह’, भुवन ढुङ्गानाको ‘परित्यक्ता’, योगी धर्महारसको ‘महारसनिघण्टु(खण्ड१–३)’, चन्द्रप्रकाश बानियाँको ‘महारानी’, ललित विष्टको ‘मोहपथ’ र शारदा शर्माको ‘यात्रामा’ रहेका छन् ।