पहिरोले काप्रेभीरमा बेनी–जोमसोम सडक कालीगण्डकीमा खसाल्यो

फोटो : रीता वरुवाल, काप्रे

बेनी–जोमसोम सडकको रुप्से–घाँसा खण्डमा पर्ने अन्नपूर्ण गाउँपालिका, ३ दानाको काप्रेभीरमा आईतवार विहान वेससहित सडक पहिरोले कालीगण्डकी नदीमा खसालेको छ ।
कडापहाडको तलेत्रोमा थुप्रीएको माटो काटेर निर्माण गरिएको सडकमा भारी वर्षापछि पहिरो चल्दा वेस नै नरहनेगरी सडक बगाएको हो । केही दिन अघि पनि काप्रेभिर/बाँदरजुंभीर क्षेत्रमै कालीगण्डकी नदीले बेनी–जोमसोम सडकको वेससहित सडक बगाएको थियो । कालीगण्डकी नदी कटानले अवरुद्ध सडक मर्मत नहुँदै आईतवार नजिकै अर्को माथीबाट झरेको पहिरोले सडक बगाएको हो ।
‘विहान काप्रेभिरमा माथीबाट झरेको पहिरोले बेनी–जोमसोम सडकलाई वेससहित तल कालीगण्डकी नदीमा झारेको छ । तीन दिन अघि कालीगण्डकी नदीको कटाने केही माथी वेसहित सडक तानेको थियो’ स्थानीय रीता बरुवालले भनिन, ‘काप्रेदेखी घाँसासम्मको यो साँघुरो गल्छीमा बर्षेनी पहिरोले सास्ती दिने गरेको छ ।’
बेनी–जोमसोम सडकको प्रवेश गलेश्वर स्थित राहुघाट खोलाले वेलिव्रिज भत्काएको छ । त्यसैगरी सडक खण्डको वैसरीमा निरन्तर पहिरो झर्नेक्रम यथावत छ । वेगखोलामा बेलीव्रिज तीन बर्ष अघि बाढीले बगाएको अझै अर्को पुल नपरेकोले बर्खा पानी पर्दा अवरुद्ध हुन्छ । दानाकाको गुईठे, खट्टेखोला र काप्रेमा सँधै पहिरोले सडक पर्ने र बगाउने हुँदा यातायात अवरुद्ध हुने गरेको छ ।