ओझेलमा परे देविस्थानका पहिरो पीडितहरु

तस्वीर : भक घर्ती, सूर्यमुखी युवा क्लव, देविस्थान ।

असार २७ गते विहान धौलागिरी र मालिका गाउँपालिका क्षेत्रमा भारी वर्षाहुँदा मराङ, विम समेतका वस्तीमा बाढीपहिरो गयो । धेरै जनधनको क्षति भयो ।
सोही दिनको भिषण वर्षाबाट मालिका गाउँपालिका, ५ देविस्थानका खारवाङ, पन्थोक, जुग्जा समेत बस्तीमा पनि धेरै क्षति पुर्‍यायो । विम, मराङमा जस्तो मानवीय क्षति नभएपनि दुर्गा फगामीको घरखेत पुरै बग्यो । अरु धेरै घरमा वस्नै नमिल्नेगरी क्षति पुर्‍याएपछि कम्तीमा २० घरका एक सय जना विस्थापित छन । देविस्थाको पहिरो स्थल सुन्तला जोन क्षेत्र पनि हो ।
पहिरोले दाङखोलामा रहेको देविस्थान–ताकम जोड्ने पुल बगाउनुको साथै २० किलोवाटको मगरदाङ लघुजलविधुत आयोजना पुरिएको स्थानिय सूर्यमुखी युवा क्लवले जनाएको छ । तर स्थानीय, प्रदेश र संघिय सरकारको मात्र होईन, पत्रकारले पनि आफ्नो पीडा नदेखेको भन्दै स्थानीयले गुनासो गरेका छन ।
‘देविस्थानबासी पहिरोपीडितको पीडालाई कसैले वास्ता गरेनन । सवैले भोट मात्र मागे तर विपतमा राहत दिने परको कुरा कसैले सहानुभुति समेत दिएनन’
स्थानिय सूर्यमुखी युवा क्लवका अध्यक्ष भक घर्तीले सामाजिक संञ्चाल फेसवुकमा गुनोास पोखेका छन, ‘अरुले त पहुँच भएको क्षेत्रमा हेरे, पत्रकारले पनि हाम्रा समाचार लेखेनन् ।’