म्याग्दीका पहिरोमा परि ३३ जना वेपत्ता, ३५ घर पुरिए, कम्तीमा ७० घरपरिवारलाई सुरक्षित स्थानमा सारियो, अझै उद्धारकर्ता घट्नास्थल पुग्न समस्या

२६ असार २०७७, शुक्रबार १३:५४ मा प्रकाशित (1 महिना अघि)
पुनहिल संवाददाता

अविरल भारी वर्षापछि आएको पहिरोमा परि म्याग्दीमा कम्तीमा ३३ जना वेपत्ता भएका छन । पहिरोमा ३५ घर परिएका छन । कम्तीमा ७० परिवारलाई सुरक्षित स्थानमा सारिएको छ । पहिरोले सडक तथा पैदलमार्ग बगाएकोले उद्धारकर्ता घट्नास्थल पुग्न सकेका छैनन ।


जिल्ला विपद ब्यवस्थापन समितिले दिएको जानकारी अनुसार पहिरोमा पुरिएर धौलागिरी गाउपालिका, ६ मराङमा २१ जना, धौलागिरी गापा, ७ ताकममा ३ जना, मालिका गापा, ७ विममा विष्णु शर्मा (३५) र इच्छा पौडेल (५) समेत ८ जना, मालिका गापा, ६ दुखुमा खोलाले बगाएर १ जना वेपत्ता छन ।


त्यसैगरी मराङ्गमा २० घर, ताकममा ५ घर र विममा १० घर पहिरोमा पुरिएका छन । रघुगंगा गाउँपालिका, ८ कुईने मंगलेमा राहुघाट खोलामा आएकोबाढी पसेर क्षति पुर्‍याएको स्थानीयले बताएका छन ।
राहुघाट खोलामा आएको बाढीले राहुघाट खोलामा आएकोबाढीले बेनी–जोमसोम सडकको गलेश्वर स्थित राघुघाट खोलामाथीको बेलीव्रिज वगाएको छ । पुलको फाउण्डेसनसहित बगाएपछि बाढी अहिले पिप्लेगलेश्वर वस्ती तर्फ सोझिएको छ । मोटर पुल वगेपछि रघुगंगा, अन्नपूर्ण गाउँपालिका तथा मुस्ताङ जिल्ला अव यातायातबाट पूर्ण विच्छेद भएका छन ।


राह्घाट खोलामा आएकोबाढीले रघुगंगा गापा, ८ मंगलेक्षेत्रमा ८ घमा क्षति पुर्‍याएको स्थानियले बताएका छन । अविरल बर्षाको कारण मालिका गाउँपालिका, ४ देविस्थानमा पनि ५ घरमा पहिरोले क्षति पुर्‍याएको स्थानीयले बताएका छन ।


माथिल्लो क्षेत्रमा बाढीपहिरो गएपछि म्याग्दी र राहुघाट खोलामा आएको बाढीले खोला सदरमुकाम बेनीको मंगलाघाटका ७ परिवार र रघुगंगा गापा, ३ गलेश्वरका २१ घरलाई सुरक्षित स्थानमा राखिएको जिल्ला विपद ब्यवस्थापन समितिले जनाएको छ ।


‘पहिरोले वस्ती पुरै घेरिएकोले स्थानीय, प्रहरी र सेनाको तीन वटा उद्धारकर्ताको टोली घट्नास्थल पुग्ने प्रयास जारी छ । हामी पनि घट्नास्थल जाँदै छौं’ प्रमुख जिल्ला अधिकारी ज्ञाननाथ ढकालले भने, ‘सवै विवरण स्थानीय जनप्रतिनिधीहरुबाट संकलन
गरिएका हुन । प्रहरीले क्षतिको विवरण संकलन गरिसकेको छैन । प्रारम्भीक तथ्याङ्क मात्र हुन ।’