गण्डकी प्रदेशका थप २४ जनामा कोरोना संक्रमण पुष्टि, संक्रमितको संख्या १ सय ४४ पुगे

 गण्डकी प्रदेशका थप २४ जनामा कोरोना संक्रमण पुष्टि भएको छ । यो संगै गण्डकी प्रदेशमा कोरोना संक्रमितको संख्या १ सय ४४ पुगेको छ ।
नवलपरासी जिल्ला (बर्दघाट सुस्ता पूर्व) का १२ पुरुष म्याग्दीका १ जना पुरुष र बागलुङका ११ जना पुरुषमा  कोरोना संक्रमण देखिएको स्वास्थ्य निर्देशनालय गण्डकीले जनाएको छ ।
नवलपरासी बौदीकाली गाउँपालिकाको क्वारेन्टिनमा रहेका ४०, १९, ३०, १८, २२, २१, १९, २२, ४०, २०, १८ र ३० का १२ जना पुरुष, म्याग्दीको  बेनी नगरपालिकाको  क्वारेन्टिनमा रहेका ४६ बर्षीय पुरुष, बाग्लुङको निसीखोला गाउँपालिकाको क्वारेन्टिनमा रहेका २१, २६ र २७ का ३ जना पुरुष तथा बरेङ गाउँपालिकाको क्वारेन्टिनमा रहेका २४, २२, १८, २४, १८, ४९, २३ र २७ का ८ जना पुरुषमा  कोरोना संक्रमण देखिएको निर्देशनालयका निर्देशक डा. विनोद विन्दु शर्माले जानकारी दिए ।

संक्रमित मध्ये बागलुङका २ जना महिला तथा लमजुङका १ बालक निको भइ घर फर्किसकेका छन् ।
गण्डकी प्रदेशमा कोरोनाका कारण एक जनाले ज्यान गुमाएका छन् । पोखराको पश्चिमाञ्चल क्षेत्रीय अस्पतालको आइसोलेसन कक्षमा उपचार गराइरहेका स्याङ्जाको वालिङ नगरपालिकाका ६० बर्षीय व्यक्तिको आइतबार राति कोरोनाका कारण मृत्यु भएको हो ।