कुल संक्रमित २७६ पुगे

नेपालमा कोरोना भाइरसका थप ३ जना संक्रमित थपिएका छन्। यो सँगै नेपालमा संक्रमितको संख्या २७६ पुगेको छ।
प्रादेशिक प्रयोगशाला भैरहवामा गरिएको परीक्षणमा कपिलवस्तुमा तीनजनामा संक्रमण पुष्टि भएको हो। उनीहरु २५, ३४ र ४४ वर्षीय पुरुष हुन्। आजै बिहान ६ जनामा संक्रमण देखिएको थियो।
हालसम्म पर्सामा ९१, कपिलवस्तुमा ३९, बाँकेमा ३३, उदयपुरमा ३३, रुपन्देहीमा २८, काठमाडौंमा ९, कैलालीमा ४, रौतहट, बारा, धनुषा, दाङ र सर्लाही मा ३/३ तथा बागलुङ, झापा, महोत्तरी, भक्तपुर र बर्दियामा २/२ जनामा कोरोना संक्रमण देखिएको छ । त्यस्तै भोजपुर, कञ्चनपुर र नवलपरासी पश्‍चिम, नवलपरासी पूर्व, मकवानपुर र सप्तरी र सिरहामा एक/एक जनामा संक्रमण पुष्टि भएको छ ।