आज:  | Tue, 28, Jun, 2022

बेनी अस्पतालमा ज्वरोका औषत बढी विरामी

५ बैशाख २०७७, शुक्रबार २०:४९ मा प्रकाशित (2 बर्ष अघि)
पुनहिल संवाददाता
बेनी जिल्ला अस्पतालमा रहेको फिवर क्लिनिकमा चैत ११ देखी वैशाख ३ गतेसम्म एक सय ६५ जना ज्वोरोका विरामीको उपचार भएको छ ।विश्वभर महामारीको रुपमा फैलिएको कोरना भाईरस (कोभिड–१९)को नागरिकलाई संक्रमणबाट जोगाउन सरकारले दशभर ‘लक डाउन’ गरेपछि बेनी अस्पतालमा ओपिडी सेवा बन्दगरी फिवर क्लिनिक संञ्चालन गरेयता दैनिक सरदर ५ जना ज्वरोका विरामी उपचारका लागी आएका छन । यातायात बन्द भै विरामी अस्पताल आउन असहज परिस्थितीमा पनि यो संख्या औषतभन्दा बढी भएको अस्पतालले जनाएको छ ।बेनी अस्पतालका सुचना अधिकारी प्रकाश शर्माका अनुसार फिवर चैत महिनामा ६२ महिला र ८८ जना पुरुष र वैशाख ३ गतेसम्म ९ महिला र ८ जना पुरुष ज्वरोको उपचार गर्न आएका छन । यी विरामी कोरना संक्रमणको आशंका नगरिएका हुन ।बेनी अस्पतालमा ओपिडी सेवा वन्द गरिएपनि इमजेन्सीमा निमोनिया, चोटपटक लागेको, दम समेत दैनिक २५–३० जना विरामी आउने गरेका छन । गर्भवती जाँच गर्न दैनिक सरदर ४ जना आएका छन । अस्पतालमा दैनिक ३–५ जना गर्भवती सुत्केरी हुने गरेका छन ।‘बेनी अस्पतालमा ओपिडी सेवा वन्द भनिएपनि गर्भवती परिक्षण, सुरक्षित सुत्केरी गराउने, इर्मजेन्सी र फिवर क्लिनिकमा औषत संख्याका विरामी आएका छन’ बेनी अस्पतालका डाक्टर डाक्टर नवराज वास्ताकोटीले भने, ‘लकडाउनले विरामी टाढाबाट सहज आउन सक्ने अवस्था नहुँदापनि फिवर क्लिनिकमा यति विरामीको संख्या धेरै नै हो । कोरना संक्रमति/लक्षण देखिएका विरामी राख्ने क्वारीन्टीन र आईसोलेसन अस्पताल बाहिर रहेकोले विरामीलाई अस्पताल आउन कुनै अप्ठ्यारो छैन, उपचारमा कुनै कमि हुन दिएका छैनौं ।’