- Loading...
भोकले गाई मरे, जीवितलाई युवा ब्यवसायीले दानापानी खुवाउँदै
- पुनहिल डट कम
- ४ साल अघि
- ८४ पटक पढिएको
लकडाउनपछि खाना नपाएपछि बेनीमा रहेका छाडा चौपाय (गाई) धामाधम मर्न थालेका छन । दुई दिन लगातार बेनीमा मंगलबार र बुधवार २ वटा गाई मरेका छन् ।
बजारबाट उत्सर्जन हुने कागज, घर–घरबाट निक्लने बासी खाना खाँदै आएका छाडा चौपायलाई बजार बन्द भएपछि चरन समस्या भएको थियो । लामो समय खाना नपाएपछि भोकले गाई मर्न थालेको र बाँचेका पनि थला पर्न थालेपछि लायन्स क्लव अफ बेनी पिससिटीका संस्थापक अध्यक्ष राजेश शाक्य,पूर्व अध्यक्ष लोकेश पुन मगर र अध्यक्ष नरेश श्रेष्ठ,सदस्यहरु दुर्गा मगर,नन्दु पाईजाले दुई दर्जन गाई/गोरुलाई बुधवार दाना (चोकर) र पानी खुवाएको हो ।
‘बजार खुल्ला हुन्थ्यो, पसलबाट उत्सर्जन हुने कागजसमेत खानेकुरा हुन्थ्यो । अझ यस्ता छाडा गाईगोरु घर–घर डुल्थे र मान्छेले खानाबाट उव्रेकोको खाना दिन्थे । अहिले वन्द भएपछि यी गाई धमाधम मरेको देखेपछि पशु भनेर छोड्न सकेनौं’ युवा ब्यवसायी तथा सामाजिक कार्यकर्ता राजेश शाक्यले भने, ‘राज्यको ध्यान भोट नआउने पशुमा पर्दैन, सवै प्राणीको आत्मा उस्तै हो, भोक सवैलाई लाग्छ ।’