लकडाउनमा अत्यावश्यक खाद्यन्न भन्दै मदिरा ओसार–पसार गर्ने पक्राउ

अत्यावश्यक खाद्य सामाग्री ओसार–पसार गर्ने भन्दै मदिरा ओसार पसार गर्ने बेनी नगरपालिका, ८ कालीपुलका सुनिल कुमार साहलाई प्रहरीले पक्राउ गरेको छ ।
मादक पदार्थ (मदिरा) लिएर सदरमुकाम बेनीबाट रघुगंगाँ गाउँपालिका, २ भगवती तर्फ जान लागेको ग २ च ८८६९ नम्बरको जीप चालक साह र सहचालक असल परियारलाई प्रहरीले पक्राउ गरेको हो । साहको बेनी नगरपालिका, ८ कालीपुलमा खाद्यान्न तथा मदिराको पसल रहेको छ ।
पक्राउ परेका साहलाई प्रहरीले संक्रामक रोग ऐन २०२० को दफा २ को उपदफा १ बमोजिम सरकारले जारी आदेशको अपहेलना कसुरमा सोही ऐनको दफा २ को उपदफा १ बमोजिम कारवाहीकालागी जिल्ला प्रशासनमा पेश गरेको छ ।
विश्भर महामारीको रुपमा फैलिएको कोरनाभाईसर संक्रमण रोक्न सरकारकाले लकडाउन गरी अत्यावश्यक वस्तु तथा सेवा मात्र संञ्चालन गर्ने आदेश विपरित अत्यावश्यक खाद्य समाग्री ढुवानीको आवरणमा मदिराको ओसार पसार भैरहेको खुलेको हो ।
‘सरकारले गरेको लकडाउन र स्थानीय प्रशासनले जारी गरेको निशेधज्ञाको आदेश विपरित अत्यावश्यक खाद्यान्न भन्दै मदिराजन्य पदार्थको ओसार–पसार हुने गरेको भेटिएको हो । कालोवजारी भएको सूचनाको आधारमा मालवाहक जीप खानतलासी र वील चेकजाँच गर्दा मदिरा बोकेको फेला परेको हो’ जिल्ला प्रहरी प्रमुख डिएसपी किरणजंग कुँवरले भने, ‘वरामद गरिएको मदिरा र ढुवानीकर्तालाई पक्राउ गरी कारवार्हीकालागी प्रशासन कार्यालयमा पेश गरेका छौं ।’