लक डाउन’ हेर्न सडकमा

११ चैत्र २०७६, मंगलवार ११:१२ मा प्रकाशित (1 हप्ता अघि)
पुनहिल संवाददाता

विश्वभर महामारीको रुपमा फैलिएको कोरना भाईरस (कोभिड–१९)को संक्रमण फैलन नदिई नागरिकलाई कोभिड –१९ रोगबाट जोगाउन सरकारले मंगलवार विहानै देखी देशभर ‘लक डाउन’ गरेको छ । तर विषयको गम्भीरतालाई बुझ्न नसक्दा बेनीबासी विहानै देखी पसल वन्दगरी सडकमा डुलिरहेका, चोकगल्लीमा गफगाफमा झुमिएका छन ।

असामान्य परिस्थितीमा नागरिकको ज्यूज्यान र धनसम्पत्तिको रक्षा गर्न र उत्पन्न कठिन अवस्थालाई समान्य अवस्थामा फर्काउन राज्यले निस्चित अवधिकालागी मान्छेहरु बसेको स्थान/घरबाट बाहिर/भित्र नगर्न जारी गर्ने आदेशलाई लक डाउन भन्ने गरिन्छ ।

तर म्याग्दी सरदमुकाम बेनीबासीले भने विहानै देखी घरपसल बन्द गरेर ‘लक डाउन’ हेर्न सडकमा निक्लिएको देखियो । लक डाउन भनिए पनि विहानै देखी चिया पसलमा भिडभाड थियो । चोकमा मान्छेहरु भेला भएका थिए । विना काम सडकमा मान्छेहरु ओहोर–दोहोर गरेको देखिएको छ । अत्यावश्यक बाहेका सवै यातायात बन्द गरिएपनि बजरमा घुम्न मोटरसाईकलमा हुईकिने बहादुर पनि धेरै नै थिए । केही यातायात ब्यवसायीले दोब्बर/तेब्बरसम्म यात्रु यात्रु ओसार पसार गरेका थिए । केहीले लक डाउनलाई घुमफिर अवसरको रुपमा डुल्न निक्लेका छन ।

‘मान्छेहरु आफ्नै स्वास्थ्यप्रति यतिधेरै खेलवाड गरिरहेका छन । लक डाउन घोषणा गर्दा समेत सरकारलाई चुनौति दिँदै आन्दोलनमा निक्ले जस्तो मान्छे सडकमा निक्लेर बसेका छन । मान्छेहरु अवुझ भएपछि कानुनलाई थप कडा पार्नु पर्ने देखिएको छ । दिउँसोदेखी कर्फ्यु नै लगाउने विषयमा छलफल भैरहेको छ’ प्रमुख जिल्ला अधिकारी ज्ञाननाथ ढकालले भने, ‘साना सार्वजनिक यातायातले बढी भाडा लिएर यात्रु बोक्ने गरेको गुनासा आएका छन । गाउँका पसलमा सामानको मुल्य वृद्धीको गरेको खवर आएपछि नियमन बढाएका छौं ।’