पुनहिल संवाददाता
विश्वभर फैलिएको महामारी कोरना भाईरस (कोभिड–१९) को संक्राण रोक्न सरकार तथा स्थानीय प्रशासन सकृय भएपनि स्थानीयले भने वेवास्ता गरिरहेपछि मंगलवारदेखी ‘सेमी लक डाउन’ गरिने भएको छ ।
अति आवश्यक बाहेक सार्वजनिक, सामुदायीक तथा निजी सेवा वन्द गरी कोरना भाईरस संक्रमण रोक्न गरिएको प्रयास अझै खुकुलो भएपनि मंगलवार जिलका सवै स्थानीय तहका ९ वटा मुख्य स्थानमा एकिकृत श्वास्थ्य चेक पोष्ट खडागरी स्वास्थ्य परिक्षण गरिने भएको छ । त्यसैगरी औषधी, खाद्यान्न, ग्याँस समेतका अत्यावश्यक वस्तीको विक्री ब्यवस्थित गर्न अनुगमन बढाउने र सदरमुकाम समेतका बजार चैत ११ देखी १९ गतेसम्म दिउँसो १०–४ बजेसम्म मात्र खोल्ने गरी लक डाउन गरिने भएको छ ।
सहरबाट कोरना भाईरस संक्रमणको त्रासले गाउँ फर्केकाहरुले अझ वेवास्ता गर्दा गाउँवस्तीमा महामारीको त्रास र सरकारी प्रयास सामाजिक संञ्जालमा मात्र हो कि झै गरी वेवास्ता गरेका छन । सदरमुकाम समेत सवै साना बजारमा अन्य दिन जस्तै खुल्ला हिँडडुल, खरिदविक्रि र सवारी साधनहरुमा उस्तै भिडभाड देखिएको छ ।
जिल्लाका सवै ४५ वटै वडामा रहेका वडाध्यक्ष समेत ५ जना जनप्रतिनिधीको अगुवाईमा वडा सचिव, अन्य सेवा कार्यालयका कर्मचारी समेत परिचालन गरी हाल सालै विदेशबाट फर्केका नेपाली खोज्ने अभिलेख राख्ने र सेल्फ क्वारेन्टाईनमा राख्न लगाईने भएको छ । त्यसैगरी यहाँको रघुगंगा गाउँपालिका स्थित रहुघाट जलविधुत आयोजनामा कार्यरत भारतिय मजदुर घर विदामा भए काममा फर्कन र नयाँ मजदुर/कर्मचारी समेत काममा फर्कन रोक लगाईएको प्रशासन कार्यालले जनाएको छ । छ ।
‘दुरदराजका अशिक्षित सर्वसाधारणले मात्र होईन पढेलेखेका र शिक्षित सहरियाहरुले नै समस्याको गम्भीरतालाई बुझ्न नसकेको र हेलचक्राई गरेको देखिएपछि तत्काललाई सेमी लक डाउन गर्ने निर्णयमा पुगेका छौं’ प्रमुख जिल्ला अधिकारी ज्ञाननाथ ढकालले भने, ‘काम खोज्न वा भ्रमणमा आउने विदेशीलाई जिल्ला भित्रन पूर्ण निषेध गरेका छौं । यहाँका हाईड्रोमा कार्यरत तर घर विदामा गएका वा नयाँ भारतिय मजदुरलाई पनी जिल्ला भित्रन रोक लगाएका छौं ।’
