चैते हिउँले गहुँ/जौ खेतीमा क्षति

२ चैत्र २०७६, आईतवार १९:३९ मा प्रकाशित (4 महिना अघि)
पुनहिल संवाददाता

यस वर्ष १४ औं पटक चैत १ गते परेको वेमौषमी हिमपातले जिल्लाको उपल्लो भेगमा लगाईएको मुख्यवाली गहुँ/जौ खेतीमा क्षति पुर्‍याएको छ ।

उपल्लो भेग (समुद्र सतहदेखी १८ सय मिटर माथी)का वस्तीमा परेको हिमपातले मुख्य वाली पाक्न लागेको/ वाला लागेको गहुँ/जौ/उवा खेती पुरै सोत्तर झै ढलाएको छ । वेमौषी हिमपातले धौलागिरी गाउँपालिकामा सवैभन्दाबढी क्षति पुर्‍याएको छ ।

धान खेती नहुने यहाँको मुख्य वालीकोमा ९० प्रतिशत क्षति पुर्‍याएको खवर छ । कृषी प्राविधिक र प्रहरी परिचालन गरी क्षतिको पुरै विवरण संकलन भैरहेको छ प्रमुख जिल्ला अधिकारी ज्ञाननाथ ढकालले भने, ‘अन्य गाउँपालिकाको तुलनामा धौलागिरीमा बढी क्षति पुगेको आंकलन छ ।