प्रथम अन्नपूर्ण पर्यटन महोत्सव सम्पन्न

२१ माघ २०७६, मंगलवार २२:०५ मा प्रकाशित (1 महिना अघि)
पुनहिल संवाददाता

अन्नपूर्ण गाउपालिका–४ नारच्याङमा सञ्चालित प्रथम अन्नपूर्ण पर्यटन महोत्सव मंगलबार सम्पन्न भएको छ ।
अन्नपूर्ण गाउपालिकाले नेपाल भ्रमण वर्ष २०२० को अवसर पारेर महोत्सव आयोजना गरेको हो । ५ दिन संञ्चालित महोत्सवसाग जोडेर आयोजित अध्यक्षकप खेलकुद प्रतियोगिता पनि सम्पन्न भएको छ । प्रतियोगितामा वडा न. ८ राम्चेले बर्चस्व जमाएको छ ।
प्रतियोगिताका ६ खेल प्रतियोगिता मध्य बास्केटबल र प्रौढ भलिबलमा राम्चे प्रथम स्थान सुरक्षित गरेको छ ।  पुरुष बास्केटबलमा वडा नं. ४ नारच्याङलाई ७६ का विरुद्ध ७९ स्कोर गर्दै राम्चे प्रथम भएको हो । प्रौढ भलिबलमा वडा न. ७ हिस्तान पराजित गरी राम्चे पहिलो भएको हो ।
पुरुष भलिबलमा वडा न. ३ दानालाई एक का विरुद्ध तीन सेट आफ्नो पक्षमा पार्दै वडा न. १ दोवा बिजयी भएको छ ।  महिला भलिबलमा वडा नं २ लाई पराजित गरी वडा न. ४ नारच्याङ प्रथम भएको छ ।
पुरुष भलिबल र बास्केटबलमा बिजेता र उपबिजेतालाई ट्रफी, प्रमाणपत्र र मेडल सहित ७५ हजार र पचास हजार रुपैयाा र महिला भलिबलको बिजेता र उपबिजेतालाई ट्रफि, प्रमाणपत्र र मेडल सहित ६० हजार र चालीस हजार हात पारेका छन । त्यसैगरी प्रौढ भलिबलमा बिजेतालाई ३५ र उपबिजेतालाई २५ हजार नगदसहित ट्रफी, प्रमाणपत्र र मेडल  पाए ।