आज:  | Tue, 28, Jun, 2022

म्याग्दी क्याम्पसले क्युएए उत्सव मनाउने

१४ माघ २०७६, मंगलवार १८:३९ मा प्रकाशित (2 बर्ष अघि)
पुनहिल संवाददाता
म्याग्दी बहुमुखी क्याम्पसले त्रिभुवन विश्व विद्यालय (त्रिवि)अनुदान आयोगबाट गुणस्तर सुनिश्चिता प्रत्यायन (क्युएए) प्राप्त गरेको खुशीयालीमा माघ २१ गते उत्सव मनाउने भएको छ । त्रिवि अर्न्तगतका १४ सयबढी क्याम्पस मध्य आयोगले म्याग्दी क्याम्पसलाई आयोगले ४१ औं क्याम्पसको रुपमा गुणस्तर सुनिश्चितता प्राप्त गरेको हो । साविक धौलागिरीमा पहिलो र गण्डकी प्रदेशका क्याम्पसमध्य म्याग्दी क्याम्पस क्यूएए प्राप्त गर्ने ५ औं क्याम्पस हो । गुणस्तर सुनिश्चिता प्रत्यायन (क्युएए) संसारभर स्वीकार गरिएको शैक्षिक गुणस्तरको मान्यता हो । म्याग्दी क्याम्पस पनि शैक्षिक गुणस्तरका न्यूनतम मापदण्ड पुरा गरी संञ्चालित भएको प्रमाण पत्रलाई विश्वविद्यालय अनुदान आयोगले क्यूएए सर्टिफाईड भनि प्रमाणित गर्छ । ‘हाम्रो क्याम्पसको सर्टिफिकेट विश्वका जुनसुकै विश्वविद्यायमा मानय हुनेगरी शैक्षिक गुणस्तरको प्रमाण पत्र प्राप्त गर्न सफल भएका छौं । यो म्याग्दी क्याम्पस र जिल्लाबासीको गौरव पनि हो । हामी यो खुसी साट्न आतुर छौं’ क्याम्पस संञ्चालक समितिका अध्यक्ष बालकृष्ण सुवेदीले भने, ‘यो मान्यता ५ बर्षमा अझ सुधार गर्नकालागी हो । शिखरमा टिक्ने चुनौति सामना गर्न हामी अझ लाग्नु पर्ने छ ।’ सामुदायीक प्रयासमा ०४८ सालमा मानविकी तथा सामाजिकशास्त्र अर्न्तगत प्रविणता प्रमाणपत्र तहबाट पढाई सुरु गरेको म्याग्दी क्याम्पसमा मानविकी, ब्यवस्थापन र शिक्षा संकायमा स्नातकसम्मको अध्यापन हुँदै आएकोमा हाल एमविए (मास्टर अफ विजनेस स्टडिज) विषयमा स्नाकोत्तर तहको पढाई गर्छ ।