आफ्नै बन्दुकको छर्राले लागेर तमानमा एक व्यक्तिको मृत्यु

बागलुङको तमानखोलामा आँफ्नै भरुवा बन्दुकको छर्राले लागेर घाईते भएका एक व्यक्तिको उपचार लागि सदरमुकाम ल्याउँदै गर्दा बाटोमै मृत्यु भएको छ ।

तमानखोला गाउँपालिका–१ बोंगादोभानका ४७ बर्षिया ओमबहादुर घर्तीको बिहिबार राती उपचारका लागि अञ्चल अस्पताल बागलुङ ल्याउँदै गर्दा बाटोमै मृत्यु भएको हो । अस्पताल पु¥याउँदा उनलाई मृत घोषणा गरेको थियो ।

घरछेउको जंगलमा बाँदर लखे्न भन्दै भरुवा बन्दुक बोकेर निस्केका घर्ती बिहिबार दिउँसो २ बजे बन्दुरक पड्केर छर्राले लाग्दा घाईते भएको स्थानीयले बताएका छन् । उनको बाँयाँ हात, खुट्टा र पिडौंलामा चोट लागेको थियो । घटना लगत्तै स्थानीयले घर्तीलाई उपचारका लागि अञ्चल अस्पताल बागलुङ ल्याउँदै गर्दा बिहिबार राती पौने नौ वजे अञ्चल अस्पतालले मृत घोषणा गरेको प्रहरी नायव उपरिक्षक झविन्द्र भट्टराईले बताए ।

घटनाको बिषयमा प्रहरिले अनुसन्धान थालेको छ । ईलाका प्रहरी कार्यालय बुतिबाङबा प्रहरी टोली खटाई अनुसन्धान थालिएको भट्टराईले जानकारी दिए । घर्तीले प्रयोग गरेको भरुवा बन्दुक दर्ता भए नभएको बिषयमा समेत प्रहरीले खोजी थालेको छ । बाँदर लखेट्न भनिए पनि घटना घट्नुको कारणका बिषयमा पनि अनुसन्धान सुरु भएको उनले बताए ।

मृतक घर्तीको शव अञ्चल अस्पतालको शव गृहमा राखिएको छ । आवश्यक अनुसन्धान र पोष्टर्माम पछि उनको शवलाई परिवारको जिम्मा लगाईने भट्टराईले बताए ।