- Loading...
पाईपमै जम्यो खानेपानी
- पुनहिल डट कम
- ५ साल अघि
- १७२ पटक पढिएको

अधिक चिसोले पाईपमा नै पानी जमेपछि घोडेपानीमा खानेपानी वितरण अवरुद्ध भएको छ ।
बढी चिसोले करिव २ किलोमिटर परवाट ल्याएको खानेपानी पाईप भित्र पानी जमेपछि आपूर्ति बन्द भएपछि पर्यटकीय वस्ती घोडेपानीको देउराली क्षेत्रका कम्तीमा ३० वटा पर्यटक होटल, रेष्टुरेन्टहरुमा वितरण गरिएको खानेपानी अवरुद्ध भएको हो । प्रायः घाम नपर्ने क्षेत्र भएकोले मुहान र पाईपमा पानी जम्ने गरेको हो । चिसोले पानी जम्ने समस्या यो वर्ष मात्र भएको होईन, वर्षेनी हिउँदका मध्य मंसिरदेखी फागुनसम्म यस्तो समस्या दोहोरिन्छ ।
‘चिसोले पाईप भित्रै पानी जम्दा घोडेपानीमा खानेपानी आपूर्ति वन्द छ । पर्यटक/पाहुनालाई समेत पानी पुर्याउन झन समस्या भएको छ’ ब्यवसयाी तारा पुनले भनिन्, ‘सवैलाई सँधै पानी पुर्याउन टाढाका मुहानबाट पानी ल्याएका छौं । मुहान ओसेपमा भएकोले घाममा पग्लदैन ।’
घाम समेत नपर्ने जंगलभित्र रहेको मुहानमै पानी जम्दै तल घरका ट्याङ्ढीसम्मको पानी जम्ने गरेको छ । मुहानदेखी रिर्जव ट्याङ्ढीसम्मको मेन पाईपमा पनि पानी जमेकोले पाईप फुट्ने समस्या देखिएको छ । रिजर्व ट्याङ्ढीदेखी घरघर पुर्याइएको वितरण पाईपमा पानीको मात्रा र बहाव कम हुँदा चिसोले पुरै जम्ने गर्छ ।
‘मुहानमै पानी जम्छ र दिनमा घाम लाग्दा गाउँलेहरु गै पाईप निकालेर घाममा सुकाई र टक्टक्याएर पाईपको आईस झारी पानी सप्लाई गर्ने गरेका छौं’ अर्का ब्यवसायी टेकसर बुद्धुजाले भने, ‘हिउँदका तीन महिना वर्षेनी यस्तै समस्या हुन्छ । विकल्पमा अर्को मुहानको पानी ल्याएका छौं तर यो अपुग भएकोले आलोपालो गरी पानी भर्ने गर्छौं ।’
खानेपानी आपूर्ति बन्द भएकोले गाग्री र जर्किन बोकेर नजिका मुहानबाट पानी ल्याउने गरेका छन । दिनमा घाम लागेको क्षेत्रमा पाईपको पानी पग्लने तर ओसेप क्षेत्रको पाईपमा जमेको पानी नपग्लने भएकोले प्रेसर थेग्न नसकी फुट्ने गरेको हो ।

फाेटाे, भिडियाे र टिकटक खिच्न रत्नेचौरमा भीड

कुकुरको भरमा दरवार

विभिन्न अवस्थाकाे फुच्चे गुराँस तस्विरमा हेराैं

खयर समेत म्याग्दीका वराही शक्तिपीठमा भक्तजनको भीड

वराह/वराही क्षेत्रका चरनखर्कमा भेडा ब्यापारकाे राैनक

हिमालमुनी मुस्कुराएकाे मनसुन सौन्दर्य

म्याग्दीखाेलामा ‘भू–तापीय पानीकाे’ अर्थतन्त्र

यसरी पग्लदैछ धौलागिरी ग्लेसियर, अनि पञ्चकुण्ड हिमताल

धौलागिरी फेदीका वनमा पनि भेटियाे नेपाली फुच्चे गुराँस

हिमाली जंगल निलाे गुराँसले रंगियाे

बेनीकाे लभ्लीहिलबाट देखिने सुन्दर सूर्यास्तक
