कास्की २ बाट निर्वाचित विद्या भट्टराईले लिइन् सांसद पदको शपथ

कास्की २ बाट प्रतिनिधिसभा सदस्यमा निर्वाचित विद्या भट्टराईले शपथ ग्रहण गरेकी छन् । भट्टराईले मंगलबार संसद सचिवालयमा आयोजित एक कार्यक्रमबीच उपसभामुख डा. शिवमाया तुम्बाहाङ्फेसमक्ष पद तथा गोपनियताको शपथ लिइन् ।

नेकपाबाट उम्मेदवार बनेकी भट्टराई गत मंसिर १४ गते भएको उपनिर्वाचनमा २४ हजार ३९४ मतले विजयी भएकी हुन । उनले निकटतम् प्रतिद्वन्द्वी कांग्रेस उम्मेदवार खेमराज पौडेललाई ८ हजार ४०३ मतान्तरले पराजित गरे।