आज:  | Tue, 28, Jun, 2022

शिख माविमा संरक्षण दिवस मनाईयो

३० मंसिर २०७६, सोमबार १७:१० मा प्रकाशित (2 बर्ष अघि)
पुनहिल संवाददाता
अन्नपूर्ण क्षंरक्षण क्षेत्र आयोजना (एक्याप) अर्न्तगत पर्ने अन्नपूर्ण गाउँपालिका, ५ शिख माध्यामिक विद्यालयमा अन्तर सदनात्मक हाजिरी जवाफ प्रतियोगिता सम्पन्न भयो ।एक्याप घान्द्रुक कार्यालय अर्न्तगत गठित संरक्षण ब्यवस्थापन समिति शिखको आयोजनामा ‘विकासकालागी संरक्षण’ विषयमा विद्यालयका कक्षा ६, ७ र ८ कक्षमा अध्ययनरत विद्यार्थीहरुको सदनात्मक प्रतियोगिता गराईएको थियो ।अन्नपूर्ण संरक्षण क्षेत्र आयोजना (एक्याप) इलाका कार्यालय घान्द्रुकले नै प्रश्न निर्माण गरेको थियो । ४ प्रतियोगितामा रातो सदनका रेस्मा सुनार, सुप्रीया पुर्जा र अभिसेक गुर्वजाको समुह पहिलो, पहेंलो सदनका कमला पाईजा, सुदिप बरुवाल, गोमो तिलिजनको समुह दोस्रो र निलो सदनका जमुना खाती, सचिव तिलिजा र सिजन फगामीको समुह तेस्रो भएको थियो ।त्यसैगरी विद्यालयमा संञ्चालन गरिएको छुट्टै ‘विकासकालागी संरक्षण’ विषययक वक्तित्वकला प्रतियोगितामा दीक्षा खाती पहिलो, दुर्गा पाईजा दोस्रो र कल्पना पुन तेस्रो भए । दुवै प्रतियोगिताका विजयी छात्र/छात्रालाई संरक्षण ब्यवस्थापन समिति शिखका अध्यक्ष वागवीर पाईजाले पुरस्कार हस्तान्त्रण गरे ।अन्नपूर्ण संरक्षण क्षेत्र आयोजना (एक्याप) स्थापना दिवसलाई संरक्षण दिवसको रुपमा मनाउँदै आएको छ । एक्याप अर्न्तगतका पर्ने सामुदायीक विद्यालयमा छुट्टै ‘प्रकृतिको सन्देश’ भन्ने पाठ्य पुस्तक अध्यापन गराउने गरिन्छ ।

समाचार श्रोत ः सेते तिलिजा