- Loading...
वस्तीमाथी हाईटेन्सन लाईन राख्न नमान्ने स्थानीयमाथी प्रहरी हस्तक्षेप
- पुनहिल डट कम
- ५ साल अघि
- १६८ पटक पढिएको

अन्नपूर्ण गाउँपालिका, ६ धिरच्याङ, रातोपानी र पोखरे वस्ती माथी कालीगण्डकी करिडोर २२० केभिए प्रशारण लाईन राख्न लागेको विरोधमा उत्रेका स्थानीयमाथी स्थानीय प्रशासनले ‘प्रहरी बल’ प्रयोग गरेको छ ।
https://www.facebook.com/khatrilok/videos/2863463767073699/?t=0
प्रशारण लाईनको टावर राख्ने फाउण्डेसन रहने निर्माण स्थलमा घेरेर बसेका स्थानीयलाई शसस्त्र र जनपद प्रहरीले धकेल्दै निकालेपछि आयोजनाका मजदुरले डोजर लगाएर धमाधम खाल्डो खनेका थिए ।
‘हामी हाम्रो पुख्यौली थलोमा बसेका हौं । तर प्रहरीले हामीलाई अपराधीलाई झै अमानवीय शैलीमा घिच्याउँदै, लतार्दै लखेट्यो र डोजर चलायो’ पीडित लोकबहादुर खत्रीले भने, ‘हाम्रा सन्तानले पुर्खाको थलोमा झुप्रो बनाउन पनि नपाउने भए । हामीलाई अर्को थलो ब्यवस्था नगरी उठीवास गराईयो ।’ खत्रीले थपे, ‘हामी आयोजनाको विरोधी होईनौं । कालीगण्डकी किनारै किनार हाईटेन्सन लाईन लैजाने विकल्प थियो तर मोटरवाटोको छेउको सहज वस्ती रोजियो ।’
घरजग्गाको मुअब्जा प्रस्ताव स्थानीयले अस्वीकार गरी प्रसारण लाईनको काममा अवरोध गरेपछि आयोजना र स्थानीय प्रशासन वलप्रयोग गरी काम अगाडी बढाउने निस्कर्षमा पुगेको हो । आयोजनाको बेनी–कुस्मा १ सय १४ वटा टावरमध्य पोखरेवगर क्षेत्रमा ६ वटा टावर परेका छन । पोखरेबगर बेनी–जोमसोम–कोरला सडक खण्डमा बेनीदेखीे १८ किलोमिटर उत्तरमा अवस्थित छ ।
‘परिस्थिती उत्तेजित भै मानवीय क्षतिको जोखिम न्यूनिकरण गर्न निर्माणस्थलमा सुरक्षाकर्मी परिचालन गरिएको हो’ प्रमुख जिल्ला अधिकारी ज्ञाननाथ ढकालले भने, ‘सुरक्षाकर्मी दमन गर्न गएका होईनन । स्थानीयका माग जाहेज भएपनि विकल्प अर्को नभएकोले समस्या भएको हो । कुलमानसरसँग पनि स्थानीयका गुनासा सम्बोधन गरिदिन फोनमा आग्रह गरेको छु । छलफलमै निकास निकाल्न प्रयास भैरहेको छ ।’
उच्च विधुत प्रवाह हुने प्रशासरण लाईन अन्नपूर्ण गाउँपालिका केन्द्र रहेको पाखरेवगर क्षेत्रको वस्ती माथी परेको छ । वस्तीमाथी प्रशासरण लाईन पर्दा एक जनाको घरवास उठ्ने छ । अन्य १५ जनाको खेत नासिने र बाँकी रहेको जग्गा हाइटेन्सन मुनी पर्ने भएकोले भविश्यमा प्रयोग गर्न नमिल्ने भएको हो । विधुत प्रशारण लाईनले प्रत्यक्ष रुपमा एक जनाको घरवास उठ्ने र अन्य १४ जनाको मुख्य खेत पर्ने भएपनि लाईनमुनीका सवै वस्ती जोखिममा परेका हुन ।
पोखरेवगर पुरानो वस्ती मात्र होईन, अन्नपूर्ण गाउँपालिकाको केन्द्र पनि हो । उदाउँदो सहरी वस्ती पनि हो । प्रस्तावित स्थानमा प्रशारण लाईनको टावर राख्ने र तार टाँग्दा पोखरेवर प्राथमिक विद्यालय र अन्नपूर्ण गाउँपालिकाका जग्गा प्राप्ती भै बजेट विनियोजन भएका कार्यालय भवनहरु प्रशारण लाईनमुनी पर्ने भएकोले निर्माण गर्न मिल्दैन ।
विधुत प्राधिकरणले कालीगण्डकी करिडोरमा उत्पादित विधुत केन्द्रीय ग्रीडमा जोड्न म्याग्दीको अन्नपूर्ण गाउँपालिका, ३ दानामा सवस्टेसन निर्माण गर्न लागेको छ । दाना देखी पर्वतको कुस्मा नगरपालिकाको खुर्कोटहुँदै नवलपरासिको बर्दघाटसम्म १ सय ४२ किलोमिटर लामो २२०/१३२/३३/११ केभिए कालीगण्डकी करिडोर प्रशारण लाईन मध्य पहिलो चरणमा दाना–खुर्कोट ४२ किमी खण्डमा धमाधम सवस्टेसन र प्रसारणलाईनका टावर निर्माण भैरहेका हुन ।
सडक र विजुली प्रसारण लाईनको असर अन्नपूर्ण गाउँपालिकाको केन्द्र पोखरे वगरलाई परेको छ । गापा केन्द्र कायमभएसँगै तिब्र बजारकिरण भैरहेको पोखरेवगरमा सरकारी कार्यालय राख्न र वस्ती वसाउन समस्या भएको छ ।
विवादित रातोपानी, पोखरे बगरमा अहिले पनि विधुत प्राधिकरणको ११ केभिए र ३३ केभिए प्रशासरण लाईन टाँगिएको छ । थप १४.८ मेगावाट क्षमताको घारखोला जलविधुत आयोजना अन्तिम अवस्थामा छ । यो आयोजनाबाट उत्पादित विजुली पनि दाना सवस्टेसनमा जोड्न पोखरेवगरमा अर्को प्रशारण लाईन बनाउनु पर्छ ।
उच्च भोल्टेजका प्रसारण तथा वितरण लाईनमुनी जग्गा गैरकानुनी मात्र होईन अकालको मृत्यु बन्छ । हाईटेन्सन मुनी वस्ती वस्न, खेती गर्न र रुख विरुवा रोप्न वर्जित भएपनि कालीगण्डकी करिडोरको अन्धगल्छी क्षेत्रका वस्तीमाथी नै हाईटेन्सन बन्दै छन ।
प्रसारण लाईनको मुनी सुरक्षाको दृष्टिले ज्यादै जोखिम हुन्छ । विधुत नियमावली, २०५० ले तारदेखी घर वा रुखसम्मको दुरी २२० केभिएसम्मका भोल्टेजसम्म करिव २ मिटर कायम गरेको छ । तर कालीगण्डकी करिडोरमा प्राधिकरणले स्थानियवासीको चर्को विरोध विच आयोजनाले राज्य प्रशासनको आडमा बलपूर्वक काम अगाडी बढाएको छ ।

फाेटाे, भिडियाे र टिकटक खिच्न रत्नेचौरमा भीड

कुकुरको भरमा दरवार

विभिन्न अवस्थाकाे फुच्चे गुराँस तस्विरमा हेराैं

खयर समेत म्याग्दीका वराही शक्तिपीठमा भक्तजनको भीड

वराह/वराही क्षेत्रका चरनखर्कमा भेडा ब्यापारकाे राैनक

हिमालमुनी मुस्कुराएकाे मनसुन सौन्दर्य

म्याग्दीखाेलामा ‘भू–तापीय पानीकाे’ अर्थतन्त्र

यसरी पग्लदैछ धौलागिरी ग्लेसियर, अनि पञ्चकुण्ड हिमताल

धौलागिरी फेदीका वनमा पनि भेटियाे नेपाली फुच्चे गुराँस

हिमाली जंगल निलाे गुराँसले रंगियाे

बेनीकाे लभ्लीहिलबाट देखिने सुन्दर सूर्यास्तक
