अर्थमन्त्री खतिवडाले भने, सहुलियतपूर्ण कर्जा लिन आवश्यक पर्ने प्रकृयाहरु पुरा गर्दा पनि बैंकहरूले कर्जा दिन आनाकानी गरेको खण्डमा अर्थ मन्त्रालयमा हट लाईन तथा इमेल गर्न अनुरोध गरेका हुन् । यस्तो गरेको पाइएमा मन्त्रालयले अवस्था हेरेर उक्त बैंकहरुलाई कारबाही गर्ने छ ।
सहुलियतपूर्ण कर्जा संस्थागत उत्तरदायित्व नभई सामाजिक उत्तरदायित्व अन्तर्गत रहेको अर्थमन्त्रीले स्पष्ट पारे । त्यसैले अब सहुलियतपूर्ण कर्जा परिचालन गरेर सामाजिक व्यवसाय गर्न बैंकहरुलाई आग्रह समेत गरेका छन् ।
बैंकहरुले उद्यमी नागरिक तयार गर्दा आफ्नै व्यापार व्यवसायमा वृद्धि हुने अर्थमन्त्रीको भनाई छ । अर्थमन्त्रीले बैंकहरुलाई आफ्नो आधार दरको वरपर रहेर कर्जा परिचालन गर्न अनुरोध गरे ।त्यसैगरी अर्थमन्त्री बैंकले कर्जा जसरी भए पनि उठाउने हुँदा त्यसको सही सदुपयोग गरी बैंकको कर्जा तिर्न समेत युवाहरूलाई आग्रह गरे । सहुलियपूर्ण कर्जा हिनामिना नगरी देशको उत्पादन वृद्धिमा लगाउनु पर्नेमा खतिवडाले जोड दिए ।त्यसैगरी युवाहरूलाई स्वरोजगार तर्फ अभिमुख गर्न स्कुलदेखि नै सीप सहितको ज्ञान विकास र व्यसायिक शिक्षा सीटीइभीटीका कक्षा सञ्चालन भएको र त्यसमा सरकारले धेरै लगानी गरेको बताए ।
राष्ट्रिय वाणिज्य बैंकका सीईओ किरणकुमार श्रेष्ठले बैंकले हालसम्म ६ हजार जनालाई ६ अर्ब ८१ करोड ६० लाख रूपैयाँ सहुलियतपूर्ण कर्जा वितरण गरिसकेको जानकारी गराए ।
पुनहिल संवाददाता
