आज:  | Sat, 02, Jul, 2022

ऐतिहासिक पदक विजेता भलिबल टिम स्वदेश फिर्ता , खेलाडीले जनही ३ लाख पाउने

२९ कार्तिक २०७६, शुक्रबार १४:२२ मा प्रकाशित (2 बर्ष अघि)
पुनहिल संवाददाता
बंगलादेशमा सम्पन्न पहिलो संस्करणको एसियन भलिबल कन्फेडेरेसन (एभिसी) सेन्ट्रल जोन सिनियर महिला भलिबल च्याम्पियनसिपको उपाधि विजेता नेपाली राष्ट्रिय महिला भलिबल टिम स्वदेश फर्किएका छन् । ढाकामा बिहिबार सम्पन्न प्रतियोगिताको उपाधि जित्दै ऐतिहासिक सफलता हात पारेको नेपाली टिम शुक्रबार नेपाल आईपुगेको हो । नेपाली टिमलाई राष्ट्रिय खेलकुद परिषद राखेपका सदस्य सचिब रमेश सिलवाल, भलिबल संघका पदाधिकारी लगायतले स्वागत गरेका थिए  । फाइनलमा माल्दिभ्सलाई ३-० को सोझो सेटमा हराउँदै नेपालले ऐतिहासिक उपाधि जितेको थियो । अपराजित रहदै उपाधि जित्ने क्रममा नेपालले माल्दिभ्समाथि २५-१३, २५-१२ र २५-८ को जित निकालेको थियो । महिला भलिबल टिमले जितेको यो उपाधि नेपालको पहिलो अन्तराष्ट्रिय उपाधि हो । यस अघि नेपाली भलिबलले जितेको ठुलो अन्तराष्ट्रिय पदक रजत पदक हो । महिला भलिबल टिमले नै सन् २०१४ मा काठमाडौंमा भएको दक्षिण एसियाली आमन्त्रण महिला भलिबल च्याम्पियनसिपमा रजत पदक जितेको थियो । त्यस्तै महिला टिमले दक्षिण एसियाली खेलकुद (साग) मा तीन कास्य पदक जितेको छ । पुरुष भलिबल टिमले भने हालसम्म कास्य पदक मात्र जितेको छ । नेपाली पुरुष टिमले तेस्रो संस्करणको एभीसी सेन्ट्रल जोन च्याम्पियनसिपमा कास्य जितेको थियो । खेलाडीले जनही ३ लाख पाउने बंगलादेशमा सम्पन्न पहिलो संस्करणको एसियन भलिबल कन्फेडेरेसन (एभिसी) सेन्ट्रल जोन सिनियर महिला भलिबल च्याम्पियनसिपको उपाधि विजेता नेपाली राष्ट्रिय महिला भलिबल टिमलाई सरकारले नगदसहित सम्मानित गर्ने भएको छ । ढाकामा बिहिबार सम्पन्न च्याम्पियनसिपको उपाधि जित्दै ऐतिहासिक सफलता हात पारेको नेपाली टिमको प्रत्येक सदस्यलाई सरकारले ३ लाख नगदले पुरस्कृत गर्ने भएको हो । ऐतिहासिक सफलता हात पारेर स्वदेश फर्किएको महिला टिमलाई स्वागत गर्दै राष्ट्रिय खेलकुद परिषदका सदस्य सचिब रमेश सिलवालले नगद पुरस्कारको घोषणा गरेका हुन् । इनलमा माल्दिभ्सलाई ३-० को सोझो सेटमा हराउँदै नेपालले ऐतिहासिक उपाधि जितेको थियो । महिला भलिबल टिमले जितेको यो उपाधि नेपालको पहिलो अन्तराष्ट्रिय उपाधि हो । यस अघि नेपाली भलिबलले जितेको ठुलो अन्तराष्ट्रिय पदक रजत पदक हो ।