जिल्ला न्यायाधीश सुदर्शनराज पाण्डेको इजलासले महरालाई पुर्पक्षका लागि कारागार चलान गर्ने आदेश दिएको हो।संसद सचिवालयमा कार्यरत महिला कर्मचारीलाई बलात्कार प्रयास गरेको अभियोग लागेका पूर्व सभामुख कृष्णबहादुर महरालाई पुर्पक्षका लागि कारागार चलान गर्न अदालतले आदेश दिएको छ। काठमाडौं जिल्ला अदालतमा १७ कात्तिकदेखि शुरू भएको थुनछेक बहस सकिएपछि अदालतले यस्तो आदेश दिएको हो।जिल्ला न्यायाधीश सुदर्शनराज पाण्डेको इजलासले महरालाई पुर्पक्षका लागि कारागार चलान गर्ने आदेश दिएको काठमाडाैं जिल्ला अदालतका श्रेस्तेदार आनन्दप्रसाद श्रेष्ठ जानकारी दिए। उनलाई डिल्लीबजार कारागार लगिनेछ।काठमाडौंका जिल्ला सरकारी वकील कार्यालयका प्रमुख सहन्यायाधीवक्ता चन्द्रकान्त खनाल, जिल्ला न्यायाधीवक्ता उमाकान्त पौडेल र हरि रेग्मी तथा सहजिल्ला न्यायाधीवक्ता सृजना ढकालले महराको विपक्षमा बहस गरेका थिए । पूर्व महान्यायाधीवक्ता रमण श्रेष्ठ, वरिष्ठ अधिवक्ता लव मैनालीलगायत वकीलहरूले महराको पक्षमा बहस गरेका थिए।जिल्ला सरकारी वकीलको कार्यालयले महराविरुद्ध जबरजस्ती करणीको उद्योगमा १४ कात्तिकमा मुद्दा दायर गरेको थियो। १५ कात्तिकमा काठमाडौं जिल्ला अदालतमा महराको बयान सकिएपछि थुनछेक बहस शुरू भएको हो । १२ असोज राति महराले संसद सचिवालयमा कार्यरत महिला कर्मचारीको डेरामा पुगेर उनीमाथि जबरजस्ती करणीको प्रयास गरेको अभियोग लागेको थियो।
पुनहिल संवाददाता
