आज:  | Fri, 01, Jul, 2022

पर्वतको अर्मादी नजिकै रिठेखोलाले ट्याक्सी बगायो

३१ भाद्र २०७६, मंगलवार ०७:४१ मा प्रकाशित (2 बर्ष अघि)
पुनहिल संवाददाता
पर्वत, ३० भदौ ।म्याग्दीको बेनीबाट विरामी लिएर पोखरा जाँदै गरेको ध १ ज ६६० नम्बरको ट्याक्सी मंगलावार विहान पर्वतको कुस्मा नगरपालिका–४ अर्मादीको घुम्तीमा रहेको रिठे खोलाले ट्याक्सी बगाएको छ।दुई दिनदेखि भइरहेको अविरल वर्षाका कारण आएको बाढीले मंगलबार बिहान पौने पाँच बजे ट्याक्सी बगाएको हो। जिल्ला ट्राफिक प्रहरी कार्यालय पर्वतका प्रमुख रामबहादुर भट्ट क्षेत्रीका अनुसार खोलामा भेल आएको देखेपछि यात्रु झारेर ट्याक्सी मात्र पार गराउने प्रयास गर्दै चालक म्याग्दीका हरिबहादुर खड्काले खोलाको नजिकै ट्याक्सी पुर्‍याउँदा हिलोमा फसेको थियो। पहिरो र भेलको जोखिम देखेपछि चालकले ज्यान जोगाउन ट्याक्सी नै छोडेर फर्किएको केही समयमा नै भेलले ट्याक्सी बगाएको हो। सडकबाट केही तल पुगेको ट्याक्सीलाई बाहिर निकाल्न प्रयास भइरहेको ट्राफिक प्रहरीले जनाएको छ।