स्वास्थ्यका आचार्य दम्पत्ति विरुद्ध भ्रष्टाचार मुद्धा दायर

म्याग्दी, ३० भदौ ।
स्वास्थ्य कार्यालयमा कार्यरत हेल्थ असिस्टेन्ट (अधिकृत छैठौं) भरत आचार्य र सोही कार्यालयकी अनमी राधिका देवी शर्मा आचार्य विरुद्ध अख्तियार दुरुपयोग अनुसन्धान आयोगले विशेष अदालत काठमाण्डौमा भ्रष्टाचार मुद्धा दायर गरेको छ । आचार्य र शर्मा दम्पत्ति हुन ।
आव ०७५/०७६ मा संञ्चालित विभिन्न कार्यक्रम गर्न लिएको पेश्की फर्स्यौट गर्न फर्जी विलभरपाई पेश गरी राज्य कोषबाट दुरुपयोग र हिनाविना गरेको छ लाख ५८ हजार पाँच सय १३ रुपैयाँ विगो असुल उपरगरी कानुनी सँजायको माग दावी सहित आईतवार विशेष अदालतमा आरोपत्रप दायर भएको हो ।
‘भ्रष्टाचार निवारण ऐन, ०५९ को दफा १७ मा बमोजिम सोही ऐनको दफा ३ को उपदफा (१) को (ङ) बमोजिम सँजाय गर्न र हिनामिना हानीनोक्सानी भएको विगो निज प्रतिवादीबाट असुल उपर गर्न’ माग दावि सहित आरोप पत्र दायर गरिएको अख्तियारले जनाएको छ ।
आचार्य दम्पत्तिले नक्कली विल भरपाई पेश गरी पेश्की फmस्यौट गर्न दवाव दिएको, कार्यादेश अनुसार कार्यक्रम संञ्चालन नगरेको तथा कार्यत्रमका असबन्धित ब्यक्तिलाई दैनिक भ्रमण भत्ता वितरण गरेको र गैरकानुनी लाभ लिई सरकारी सम्पत्ति हानी नोक्सानी पुर्‍याएको आरोप पत्रमा उल्लेख छ ।
हेल्थ असिस्टेन्ट भरत आचार्यले गत बर्ष समुदायमा आधारित एकिकृत शिशु तथा वाल स्वास्थ्य ब्यवस्थापन कार्यक्रम र विषादी रहित खाद्यय सुरक्षा तथां पोषण प्रर्वद्धन कार्यक्रम संञ्चालन गर्न पेश्किी लिएको नौ लाख मध्य विभिन्न शिर्षकमा चार लाख २८ हजार दुई सय १६ रुपैयाँ खर्चगरी बाँकी चार लाख ७१ हजार सात सय ८३ रुपैयाँको फर्जि वीलभरपाई पेश गरेका अख्तियारको अनुसन्धानमा भेटिएको थियो ।
त्यसैगरी अनमी शर्मा आचार्यले पेश्की लिएको चार लाख रुपैयाँमध्य एक लाख ६९ हजार सात सय तीन रुपैयाँ विभिन्न शिर्षकमा खर्चगरी बाँकी दुई लाख तीस हजार दुई सय ९७ रुपैयाँको फर्जी वीलभरपाई गरेको भेटिएको हो ।
आचार्य र शर्माद्वयले लिएको पेश्कि फस्यौट गर्ने क्रममा कार्यालय प्रमुख भीमप्रसाद आचार्य,  लेखा प्रमुख हरिशंकर शर्मा र स्टोरकिपर रघुनाथ रेग्मीले घुस मागेको भन्दै अख्तियारमा उजुरी गरेका थिए । आफ्नै उजुरुमा छानविन गर्दा आचार्य दम्पत्ति उल्टै नियन्त्रणमा परेका हुन ।
सोही पेश्कि फर्स्यौट गर्नेक्रममा घुस लिएको भन्दै अख्तियारले गत साउन १२ गते कार्यालय प्रमुख आचार्य, लेखा प्रमुख शर्मा र स्टोर किपर रेग्मीलाई अख्तियारले नियन्त्रणमा लिई भ्रष्टाचारजन्य कसुर गरेको एक लाख ३० हजार विगो सहित भदौ १३ गते विशेष अदालतमा मुद्धा दायर गरेको थियो । बिशेष अदालतले पक्राउ परेका कार्यालय प्रमुख भीमप्रसाद, लेखापाल हरीशंकरलाई जनही एक लाख ३० हजार र जिन्सी शाखाका रघुनाथ रेग्मीलाई भने ५० हजार धरौटी लिएर तारेखमा छोडेको छ ।