आज:  | Thu, 30, Jun, 2022

लघुवित्तका कर्मचारीमाथी साँघेतिक आत्रमणगरी रकम लुटियो

२० भाद्र २०७६, शुक्रबार १०:२७ मा प्रकाशित (2 बर्ष अघि)
पुनहिल संवाददाता
२०, भदौ ।समुहमा बचत संकलन गरी फर्कने क्रममा मालिका गाउँपालिका, २ रुममा एक महिला कर्मचारीमाथी आक्रमण गरी रकम लुटपाट गरिएको छ ।नेष्डो नेपाल लघुवित्त कम्पनीकी मालिकाको दरवाङ कार्यालयमा कार्यरत कर्मचारी शुष्मा क्षेक्रीलाई अज्ञात समुहले आत्रमण गरी साथमा रहेको एक लाख २० हजार नगद लुटेर फरार भएको छ । अज्ञान समुहको आक्रमणबाट गम्भीर घाईते क्षेत्रीलाई थप उपचारकालागी हेलिकोप्टरबाट पोखरा स्थित मणीपाल शिक्षण अस्पताल पुर्‍याईएको प्रहरीले जनाएको छ ।‘एउटा गाउँबाट समुहमा गरिएको लगानी र बचत संकलन गरी फर्केने समयमा अज्ञात समुहले साँघेतिक आक्रमणगरी रकम लुटेका छन’ जिल्ला प्रहरी प्रमुख महेन्द्र मरासिनीले भने, ‘दुई वटा टोली घट्नास्थलमा परिचालन गरेका छौं । गाउँबाट केही शंकास्पद ब्यक्ति लगत्तै फरार भएकोले छिट्टै अपराधी पत्ता लाग्ने विश्वास छ ।’नेष्डो नेपाल लघुवित्तको मालिका गाउँपालिका केन्द्र दरवाङ कार्यालयमा कार्यरत शुष्मा क्षेत्रीको घाँटी र टाउकोमा गहिरो चोट लागेको छ । क्षेत्रीको दरवाङ्ग प्राथमिक श्वास्थ्य केन्द्रमा उपचारपछि पोखरा रिफर गरिएको हो । घाँटीको चोटको कारण घाईते बोल्न नसक्ने अवस्था रहेकोले लुटेरा परिचित भए नभएको र घट्नाको थप विवरण खुल्न नसकेको प्रहरीले भनेको छ ।