आज:  | Tue, 28, Jun, 2022

स्वास्थ्य कार्यालयका उजुरीकर्ता नै अख्तियारको नियन्त्रणमा

६ भाद्र २०७६, शुक्रबार ११:४४ मा प्रकाशित (2 बर्ष अघि)
पुनहिल संवाददाता
म्याग्दी, ६ भदौ ।कार्यक्रमको पेश्की फर्स्यौट गर्न घुस मागेको भन्दै सहकर्मी विरुद्ध उजुरी गरेका स्वास्थ्य कार्यालयका हेल्थ असिस्टेन्ट अधिकृत भरत आचार्यलाई अख्तियार दुरुपायोग अनुसन्धान आयोगले उल्टै नियन्त्रणमा लिएको छ ।आचार्यको उजुरीपछि अख्तियारको टोलीले साउन १२ गते स्वास्थ्य कार्यालयका निमित्त प्रमुख (जनस्वास्थ्य निरीक्षक) भीमप्रसाद आचार्य, स्टोर प्रमुख रघुनाथ रेग्मी, लेखापाल हरिशंकर शर्मा र सवारी चालक भवदत्त जैसीलाई १ लाख ३० हजार नगद सहित नियन्त्रणमा लिई अनुसन्धान गरिरहेको छ ।अनुसन्धानमा रहेको मुद्धामा स्पष्टिकरण दिन गएका हेल्थ असिस्टेन्ट अधिकृत झरत आचार्यलाई बयान क्रममै अख्तियार मुख्यालयलले बयानत्रममै नियन्क्रणमा लिईएको हो । कार्यरत स्वास्थ्य कार्यालय म्याग्दीबाट घर विदा लिएर अख्तियारमा बयानकालागी गएका थिए । छनविन त्रममा उजुरीकर्ता भरत आचार्य जिम्मेवार योजनामा फर्जी विल भरपाई बनाएको भेटिएपछि आरोपमा अख्तियारले नियन्त्रणमा लिएको हो ।विभिन्न कार्यक्रमको पेस्की फस्यौट गर्ने विषयमा कार्यालय प्रमुख र लेखा अधिकृतसँग  मतभेद भएपछि भरत आचार्यले अख्तियारमा उजुरी गरेका थिए । उजुरीको आधारमा आईतवार विहानै अख्तियारका १५ सदस्यीय टोलीले स्वास्थ्य कार्यालयमा छापा मारेको थियो ।उजुरीकर्ता आचार्यले सम्पन्न गरेका कार्यक्रममा नक्कली उपस्थिती, खाजा, स्टेसनरीको पनि वास्तवीक मुल्यभन्दा धेरै मुल्य राखिएको र नक्कली विल राखी पेश्की फर्स्यौट गराउन दवाव दिएपछि कार्यालय प्रमुख र लेखाअधिकृत संग विवाद भएको हो । छानवीन क्रममा उजुरीकर्ता आचार्यलाई थप छानवीन गर्नु पर्ने देखिएकोले नियन्त्रणमा लिईएको अख्तियार अनुसन्धान कार्यालय पोखराका सूचना अधिकारी मेघनाथ रिजालले बताए ।