- Loading...
जगन्नाथको कपडा फेरियो
- पुनहिल डट कम
- ५ साल अघि
- ४८९ पटक पढिएको

म्याग्दी, २७ साउन ।
बेनी नगरपालिका, ५ पुलाचौरको गाजने स्थित जगन्नाथ मन्दीरमा रहेको मुर्तिलाई नयाँ कपडा फेरिएको छ । अरु सवै समय कपडाले छोपेर राखिने जगन्नाथको मुर्तिमा श्रावण शुक्ल द्वादशीका दिन नयाँ कपडा फेर्ने प्रचलन छ ।
तत्कालिन पर्वत राज्यका राजा डिम्ब मल्लले विसं १५५० तिर निर्माण गरेको जगन्नाथ मन्दीरमा रक्तचन्दन काठको प्राचिन मुर्ति रहेको छ । अरु वेला कपडाले छोपेर राखिने जगन्नाथको मुर्तिको साउन शुक्ल द्वादशीमा कपडा खोली नजिकको कुवामा नुवाईधुवाई गरी नयाँ कपडा फेरिदिने गरेको जगन्नाथ मन्दीर संरक्षण समितिले बताएको छ ।
नयाँ कपडा लगाएपछि मुर्तिलाई गाउँमा रथयात्रा गरी पुनःमन्दीरमा लगेर कपडाले छोपेर राख्ने चलन छ । जगन्नाथ मन्दीरमा रातो रङ नचढ्ने हुँदा श्रीखण्ड, चन्दन र सेतो फुल चढाउने गरिन्छ । सेतो वा पहेंलो अक्षेता माक्र चल्छ ।
‘मन्दीरको मुख्य मुर्ति रत्तचन्दनको हो । मन्दीरको संरचना फेरिएको भएपनि मुर्ति राख्ने भित्रको स्वरुप ५ सय बर्षदेखी उस्तै छ’ जगन्नाथ मन्दीर संरक्षण समितिका कोषाध्यक्ष रामचन्द्र पौडेलले भने, ‘जगन्नाथ मन्दीर प्राचिन सम्पदा भएपनि ओझेलमा छ । जगन्नाथको आरधनाले मनोकाँक्षा पुरा हुने दृढ विश्वास छ ।’
जगन्नाथलाई जेष्ठ शुक्ल द्वादशी, श्रावल शुक्ल द्वादशी र मार्गशुक्ल द्वदशी गरी वर्षको तीन पटक जगन्नाथ खीर पकाई भोग लगाउने चलन छ । पुजापछि सवै गाउँबासीलाई हरियो पातमा खीर खुवाउने गरिन्छ । जगन्नाथ मन्दीर बेनीबाट चार घन्टा उकालो वा कच्ची सडकमा एक घन्टामा पुग्न सकिन्छ ।
खीरकालागी मन्दीर वरपरका पुलाचौर, नयाँगाउँ, पुलाडाँडा, चिप्लेटी र घतान क्षेत्रबाट हरेक घरले दुध लिएर प्रसाद ग्रहण गर्न मन्दीर पुग्नै पर्ने नियम छ । मन्दीर संञ्चालनकालागी बेनी नगरपालिका ५ पुलाचौर र ९ घतानमा ४५ रोपनी ७ आना जग्गा गुठीको रुपमा राखिएको छ ।
किम्वदन्ती अनुसार प्रतापी राजा डिम्ब मल्ल शारिरिक रुपमा अशक्त थिए । राजा डिम्बको आराधानाबाट प्रशन्न जगन्नाथ देवताले दर्शन दिई आर्शिवाद माग्न भन्दा राजाले सँगै राखेर सेवा गर्ने इच्छा राखेपछि तथास्तु भनेका थिए । त्यसैले राजा डिम्बले भारतको उडिसा स्थित जगन्नाथ मन्दीरबाट मुर्ति ल्याई गाजनेमा मन्दीर बनाई जगन्नाथ देउताको प्राणप्रतिष्ठान गरेका हुन ।
काँचो इट्टा, माटोको गाहृो र तामाको छाना भएको मन्दीर जीर्ण भएपछि अहिले मन्दीरलाई भारतको उडिसा स्थित जगन्नाथ मन्दीरकै प्यागोडा शैलीमा पुनःनिर्माण गरिएको छ । विसं २०३५ सालमा मन्दीरबाट चोरी भएको सक्कली मुर्ति फेलापरेपछि राजदरवारहुँदै फर्किएर आउँदा नक्कली आएको स्थानीयको बुझाई छ ।

फाेटाे, भिडियाे र टिकटक खिच्न रत्नेचौरमा भीड

कुकुरको भरमा दरवार

विभिन्न अवस्थाकाे फुच्चे गुराँस तस्विरमा हेराैं

खयर समेत म्याग्दीका वराही शक्तिपीठमा भक्तजनको भीड

वराह/वराही क्षेत्रका चरनखर्कमा भेडा ब्यापारकाे राैनक

हिमालमुनी मुस्कुराएकाे मनसुन सौन्दर्य

म्याग्दीखाेलामा ‘भू–तापीय पानीकाे’ अर्थतन्त्र

यसरी पग्लदैछ धौलागिरी ग्लेसियर, अनि पञ्चकुण्ड हिमताल

धौलागिरी फेदीका वनमा पनि भेटियाे नेपाली फुच्चे गुराँस

हिमाली जंगल निलाे गुराँसले रंगियाे

बेनीकाे लभ्लीहिलबाट देखिने सुन्दर सूर्यास्तक
