आज:  | Sat, 25, Jun, 2022

बाँदरजुँग भीरमा एकतर्फी सडक खुल्यो

३० असार २०७६, सोमबार १३:५९ मा प्रकाशित (2 बर्ष अघि)
पुनहिल संवाददाता
म्याग्दी, ३० असार ।बेनी–जोमसोम सडकको बाँदरजुँग भीरमा पहिरोले चार दिनदेखी अवरुद्ध यातायात सोमबारदेखी एक तर्फी खुलेको छ ।बेनी सदरमुकामदेखी ३८ किलोमिटर उत्तर अन्नपूर्ण गाउँपालिका, ३ दानाको काप्रे स्थित बाँदरजुँग भीरमा तल कालीगण्डकी नदी कटानले सडक भासिएपछि शुक्रवारदेखी बेनी–जोमसोम सडकमा यातायात अवरुद्ध थियो ।संसारको सर्वाधिक गहिरो अन्धगल्छीमा कालीगण्डकीले तल वेस कटान गरेपछि सडक भासिएको थियो । सडक विभागले पहरामा सामान्य खोपेर डाईभर्सन बनाई एक तर्फ सडक खुलाएको हो ।‘सोमबार देखी साना सवारी साधनलाई एक तर्फ मात्र पास हुनेगरी डाईभर्सन खुलेको छ । मंगलवारसम्म ठूला गाडी एक तर्फी पास गर्ने योजनामा काम भैरहेको प्राविधिकले भनेका छन’ सडक विभागकी स्थानीय सुपरभाईजर रिता बरुवालले बताईन ।पहिरो ग्रस्त करिव एक सय मिटर स्थानमा मेशिनले बाहिर खोपेर मात्र सडक निर्माण गर्न नसकिने भएकोले सडक विभागले विष्फोटन गरी सडक खुलाउने वा सुरुङ्ग मार्ग छलफलमै छ । आयोजनाका अनुसार वारीपारी कडा पहाड काटेर निर्मित अर्ध सुरुङ्ग जस्ता सडकमामा कालीगण्डकी जोडिएकोले डोजर वा विष्फोटन पदार्थ प्रयोगगरी सडक विस्तार संभव थिएन । मेशिनले कडा पहाड फोड्न संभव नै थिएन, विष्फोटन गरी पहरा फुटाउँदा गेग्रानले कालीगण्डकी नदी थुनिने जोखिम भएकोले सुरुङ्ग मार्गको विकल्प खोजिएको हो । म्याग्दीको अन्नपूर्ण गाउपालिकाको महभीरदेखी मुस्ताङ्ग सीमावर्ती बाँदरजुङ्ग भीरसम्मको करिव २० किमी खण्डमा बढी भीरपहरा र साँघुरो गल्छी भएकोले काम गर्न अप्ठ्यारो छ ।

फोटो सौजन्य ः रीता बरुवाल, काप्रे