आज:  | Tue, 28, Jun, 2022

बेनी जोगाउने तटवन्ध निर्माण सुस्त

१० बैशाख २०७६, मंगलवार ०७:५९ मा प्रकाशित (3 बर्ष अघि)
पुनहिल संवाददाता
कालीगण्डकीमा पानीको बहाव ह्वात्तै बढी सकेपनि बाढीको उच्च जोखिमयुक्त जिल्ला सदरमुकाम वेनी बचाउन सुरु गरिएको अस्थाई तटवन्ध निर्माण ढिलाई भैरहेको छ ।कालीगण्डकी र म्याग्दी नदीको दोहोरो कटानबाट बेनी संरक्षण गर्न करोडौं खर्चेर लगाएको आरसीसि तटवन्ध बाढीले बगाएपछि बेनी संरक्षण जिम्मेवारी पाएको पोखराको रुपाताल संरक्षण एकिकृत परियोजनाले ३ सय ३८ मिटर अस्थाई ग्याभिन भर्ने काम थालेको हो । ठेक्का प्रकृयाबाट काम गर्दा ढिलाई हुनेभएपछि ३ करोड ५० लाखको लागतमा उपभोक्ता समिति मार्फत तटवन्ध सुरु गरेको हो ।नदी सतहबाट ५ फिट गहिरो फाउण्डेसन राखी ११ फिट चाक्लो र ६ फिट अग्ला ग्याभिन तटवन्ध निर्माण गर्नु पर्ने ब्यवस्था छ । तटवन्ध निर्माण उपभोक्ता समिति मार्फत भनिएको भएपनि ठेकदार मार्फत नै काम गराईएको छ । तटवन्ध निर्माण गर्दा नदीको वातावरणमा गम्भीर असर पर्नेगरी ठूला ढु¨ा सवै फुटाईएको तथा तटवन्धमा साना गेगर प्रयोग गरिएको भन्दै बेनी नगरपालिकाले समेत उपभोक्ता समितिलाई सचेत पारेको छ ।‘ठेक्का प्रकृयाबाट काम गराउ“दा ढिला हुने भएकोले उपभोक्ता समिति मार्फत तटवन्धको काम सुरु भएको हो । छिटो काम गर्न ४ प्याकेजका उपभोक्ता समिति गठनगरी काम भएपनि केही ढिलाई भएको छ’ उपभोक्ता समिति अध्यक्ष उत्तम कर्माचार्यले भने, ‘ढु¨ा ब्यवस्थापनमा समस्या छ । उपभोक्ता समितिको रेखदेख नपुग्दा कामदारबाट गुणस्तरमा केही कमीकमजोरी भएको छ ।’बाढीले क्ष्ँति नपु¥याएको तर जोखिममा रहेको पुराना आरसिसी वाल संरक्षण गर्न नदीको सतहभन्दा ५ फिट गहिरोफाउण्डेसनमा ७ फिट चाक्ला एक लेयर एप्रोन ग्याभिन राखिएको छ । जलउत्पन्न प्रकोप कार्यालयले पक्की तटवन्ध गरेपनि पुरा नहु“दै बाढीले बगाएको हो ।