बेनपा ६ का अधिकांश योजना सम्पन्न

बेनी नगरपालिका वडा नं ६ कार्यालयले आफ्ना अधिकांश योजना सम्पन्न भएको जनाएको छ ।नगरपरिषदबाट छनौट भएका पशु र कृषी कार्यक्रमबाहेक ४८ वटा योजनामा ७० प्रतिशतवढी सम्पन्न भएको वडा कार्यालयले दावी गरेको छ । ३ वटा योजनाको सम्झौता हुन बाँकी छन । तीन वटा योजनाहरु संशोधनगरी नयाँ योजनामा काम भैरहेको छ । धेरै योजना सम्पन्न भएपनि अन्तिम फरफारक हुन बाँकी छन ।‘कृषी र पशु कार्यालयका वडामा सञ्चालन गरिने सवै कार्यक्रम सम्बन्धीत निकायलाई नै बजेट खर्च गर्ने अख्तियारी दिईएको छ । बाँकी योजना साना र खुद्रे प्रकृतिका भएकोले प्रायः सवै सम्पन्न भएका हुन’ बेनपा, ६ का वडाध्यक्ष कृष्णसिं बानियाँले भने, ‘केही योजना संशोधन गर्नु पर्ने भएकोले काम बाँकी छन । केही योजनामा उपभोक्ता सकृय नहुँदा अझै सम्झौता नभएपनि चालु आव भित्र सवै योजना सम्पन्न हुन्छन ।’बेनपा, ६ वडामा ४८ वटा योजना भएपनि ठूला र दिर्घकालिन प्रभाव पर्ने कुनै योजना छैनन । वडाध्यक्ष कृष्ण बानियाँका अनुसार वडामा सवै एक सय, २ सय मिटर खानेपानीका पाईप वितरण, आमा समुह भवन निर्माण, सडक मर्मत, विधुतका पोल फेर्ने, विद्यालय भवन मर्मत, मन्दीर, गोरेटो वाटो, चौतारो निर्माणमै बर्षको बजेट सकिएको छ ।वडाका सवै सामाजिक सुरक्षा भत्ता पाउने नागरिककालागी टोलस्तरमै वैंक पुगेर सेवाग्राहीको खाता खोल्ने र भत्ता वितरण गर्ने, टोल टोलमा कम्तीमा एक वरपिपलसहित चौतारी निर्माण, मानवीय क्षति पुग्नसक्ने जोखिमपूर्ण अवस्थाका काठको सट्टा फलामे पोल राख्ने फेर्ने उल्लेख काम हुन ।