आज:  | Sat, 02, Jul, 2022

घारको भुवानी प्राविमा इन्टरनेट

५ बैशाख २०७६, बिहीबार ११:४५ मा प्रकाशित (3 बर्ष अघि)
पुनहिल संवाददाता
अन्नपूर्ण गाउँपालिका, ६ घारको भन्थान स्थित भुवानी आधारभुत विद्यालयमा इन्टरनेट जडान गरिएको छ ।घार ठूलोखेत घर भै वेल्जियममा बस्दै आएका गैहृ आवसीय नेपाली संघ (एनआरएन) युरोप संयोजक रहेका शिवकुमार बरुवालको २५ हजार आर्थिक सहयोगमा विद्यालयमा इन्टरनेट जडान गरिएको हो । बरुवालका बुबा कुलबहादुरले विद्यालय स्थापना गरेका हुन ।विद्यालयलाई लामोगरा घर भै मोना जापानका सदस्य रामबहादुर खड्का र भन्थना घर भै मोना कुवेतका कोषाध्यक्ष कृष्णप्रसाद खड्काले एक–एक थान कम्प्युटर, घार इदार घर भै हाल अमेरिकामा बस्ने पूर्णबहादुर बरुवालले प्रिन्टर सहयोग गरेका छन ।‘एनआरएन युरोप संयोजक शिव बरुवालको आर्थिक सहयोगमा विद्यालयमा नेपाल वायरलेसको इन्टरनेट जडान गरिएको हो’ विद्यालय ब्यवस्थापन समिति अध्यक्ष श्याम प्रसाद खड्काले भने, ‘इन्टरनेट जडानभएपछि विद्यालयका शिक्षक/शिक्षिकालाई शैक्षिक सामाग्री खोज्न र शिक्षा सम्बन्धी सूचनाहरु, पत्रहरु विधुतिय माध्यमबाट आदानप्रदान गर्न सजिलो हुने छ ।’