आज:  | Sat, 25, Jun, 2022

घर पुनःनिर्माण गर्न किस्ता लगेर सम्पर्कविहीन

२९ चैत्र २०७५, शुक्रबार ०२:२३ मा प्रकाशित (3 बर्ष अघि)
पुनहिल संवाददाता
राष्ट्रिय पुननिर्माण प्राधिकरण केन्दीय आयोजना कार्यान्वयन ईकाई जिल्ला कार्यालयबाट निजी आवास पुनःनिर्माण गर्न पहिलो किस्ता बेझेका १ सय ५८ सम्पर्कमा छैनन ।निजी आवास पुनःनिर्माण गर्न पहिलो किस्ता रकम बुझेर सम्पर्क विहिन हुनेमा संघिय सरकारकी महिला, वालवालिका तथा जेष्ठ नागरिक मन्त्री थममायाँ थापा पनि रहेको आयोजना कार्यान्वयन कार्यालयले बताएको छ ।भुकम्पबाट क्षतिग्रस्त बेनी नगरपालिका, ८ बेनी कालीपुल स्थित पुख्यौली घर पुनःनिर्माण गर्न मन्त्री थापाले पहिलो किस्ता बुझेको आयोजनाले जनाएको छ । ‘अभिलेखमा मन्त्री ज्यूले निजी आवास पुनःनिर्माण गर्न पहिलो किस्ता बुझेको देखिन्छ । तर भवन पुनःनिर्माण गर्न हाम्रा फिल्डमा खटिएका प्राविधिकसँग सम्पर्कमा नभएको रिपोर्ट आएको छ’ राष्ट्रिय पुननिर्माण प्राधिकरण केन्दीय आयोजना कार्यान्वयन ईकाई जिल्ला कार्यालयका प्रमुख शिवराम गेलालले भने, ‘पहिलो किस्ता रकम लगेका १ सय ५८ जना सम्पर्कमा छैनन । उनीहरुलाई स्थानीय नगर/गाउँपालिका मार्फत खोजी गरिरहेका छौं ।’आयोजना कार्यान्वयन ईकाई जिल्ला कार्यालयको अभिलेख अनुसार सम्झौता गरी निजी आवास पुननिर्माण पहिलो किस्ता अनुदान रकम लिने ७ सय ८० घरधुरीमध्य २ सय १४ जनाले आवास पुनःनिर्माण गरी अन्तीम किस्ता बुझेका छन । ३ सय १२ जनाले दोस्रो किस्ता पाएका छन । जिल्लाका ७ जनाले आफ्नो घरको प्रवलिकरण (रेट्रो फिटिङ्ग) गराएका छन ।आयोजनाका फिल्डमा खटिएका प्राविधिकहरु फिल्ड भक्ता, दुर्घटना विमा समेतका सुविधा थप्न माग राख्दै राजधानी केन्द्रीत आन्दोलनमा उत्रेपछि तेस्रो किस्ता पाउन रोकिएको कार्यालयले जनाएको छ । त्यसैगरी सुरु सर्वेमा नाम छुटेका ५ सय १५ जनाले आफ्ना निजी आवास पुनः सर्वे एवं जाँच गराई पाउन निवेदन दिएका छन । प्राविधिकको आन्दोलनले यो कार्यक्रमपनि प्रभावीत भएको छ ।त्यसैगरी बेनी नगरपालिका १ रत्नेचौर र ६ अर्थुङ्गे क्षेत्रका निजी आवास अनुदान पाउने घरधनीमध्य १२ जना नक्कली रहेको भन्दै अख्तियार र प्राधिकरणमा उजुरी परेकोमा अख्तियारको अख्तियारी लिएर जिल्ला प्रशासन कार्यालयलाई रिपोर्ट दिएको छ ।