मुक्तिनाथ वैंकको शाखा बेनीमा

गण्डकी विकास वैंकको एक सय १४ औं शाखा बेनीमा सुरु भएको छ । थोरै जनसंख्या र सानो भुगोल भएको सदरमुकाम बेनीमा मुक्तिनाथसँगै बैंक संख्या २० पुगेको छ । बचत तथा ऋण सहकारी ३५ वटा र १५ वटा लघुवित्तहरुले आर्थिक कारोवार गरिरहेका छन । बेनीमा पछिल्लो एक बर्षमा तीन वटा वैंकको शाखा थपिएका छन ।

बेनी नगरपालिका, ८ क्यामपसचोकमा रहेको शाखाको मेयर हरीकुमार श्रेष्ठले शाखाको उद्घाटन गरे । २०६३ सालमा स्याङ्जामा स्थापना भएको बैंकले सातै वटा प्रदेशका एक सय १४ शाखाबाट सेवा दिएको जनाएको छ । वैंकले विकास वैंकमध्य आफु अब्बल भएको दावि गर्यो ।

‘बेनी बजार भुगोल र जनसंख्याको दृष्टीले सानो सहर भएपनि आर्थिक कारोवार आर्कषक छ’ मुक्तिनाथ विकास वैंकका संञ्चालनक चुडामणी कँडेलले भने, ‘वैंकको उपस्थितीले उत्पादनमुलक क्षेत्रमा लगानी गर्न चाहने ब्यवसायीकालागी अवसर हो । कृषी, पर्यटन क्षेत्रमा सहज कर्ता उपलब्ध छ ।’

जिल्लामा वैंक तथा वित्तिय संस्थाको संख्या बढेपनि वैंकमा जनताको निक्षेपभने घटेको छ । तर कर्जाको माग बढी छ । निक्षेप घटेपछि बैंकका शाखा प्रवन्धकहरु बचत कर्ता खोज्दै घरदैलोमा ब्यस्त हुन थालेका छन । जिल्लाका २० वटा बैंकहरुले बर्षको पहिलो ६ महिनामा २ अर्व ३२ करोड ३६ लाखमात्र निक्षेप संकलन गरेका छन । सोही अवधिमा यी बैंकले ३ अर्व २८ करोड २० लाख कर्जा लगानी गरेका छन । बैंकमा जम्मा भएको निक्षेप लक्ष्यको ४० प्रतिशतको हाराहारी रहेको यी बैंकले जनाएका छन ।

‘निक्षेप संकलनमा तार्केट मेन्सन गर्न वैंकका विएमहरु (शाखा प्रवन्धक) सहकारीका बजार प्रतिनिधी भन्दाबेसी दौडधुपमा छन’ एनएमवि वैंकका शाखा प्रवन्धक पुस्कल ढुङ्गानाले भने, ‘नयाँ विकास वैंकलाई मात्र होईन पुराना र ठूला बाणिज्य बैंकहरुको समेत निक्षेप संकटमा छन ।’

बैंकर्सहरुका अनुसार विप्रेषणमा आश्रित बन्दै गएको जिल्लाको अर्थतन्त्रमा रेमिटेन्स घट्न थालेपछि बैंकहरुमा तरलता देखिन थालेको हो । विप्रेषणको अधिकांश रकम खाद्यान्न र विलासी उपभोग्य क्षेत्रमा खर्च हुने गरेको छ । बैंकहरुले पुस मसान्तसम्म गरेको कर्जा अनुत्पादक क्षेत्रमा भएको देखिएको छ । जिल्लामा रहेका सवै बैंकहरुको पहिलो कर्जा लगानी फेन्सी पसल, किनारा पसल, गाडी र ब्यक्तिगत ऋणमा लगानी गरेका छन । कुनै पनि बैंकले ठूलो लगानी भएको औधोगिक एवं ब्यवसायीक फाईलमा लगानी गरेका छैनन । एकाध बैंकले कृषी, घर निर्माण, ठेक्कापट्टा र शैक्षिक कर्जामा लगानी गरेका छन । कृषी क्षेत्रमा लगानी गरिएको भनिएपनि जिल्लामा ब्यवसायीक कृषी फार्म नगन्य छन ।

जिल्लामा भित्रने रेमिटेन्स मध्य बचेको रकम जिल्लाबाट पोखरा, चितवन र विदेश तर्फ पुँजी पलायन भएकोले जिल्लाका बैंकहरुमा निक्षेप घटेको हो । बैंकको ब्याज भन्दा बचत तथा ऋण सहकारीले दोब्बर, तेब्बरसम्म ब्याज दिने भएकोले बचतकर्ता बैंकमा भन्दा सहकारी तर्फ आकर्षित छन । सहकारीबाट कर्जा लिन समेत सजिलो हुने भएकोले साना ब्यवसायी बैंकको पहुँचमा छैनन ।

बेनीबाहेक जिल्लाका सवै स्थानीय तहमा बैंक पुगेको छ । विभिन्न प्याकेज सहित घरदैलो गर्ने वैंकहरुको कचकचले ब्यवसायी र कर्मचारी आजित नै छन ।