आज:  | Sat, 02, Jul, 2022

एसईईमा दृष्टीविहीन र जनप्रतिनिधी पनि सहभागी

१० चैत्र २०७५, आईतवार ११:१७ मा प्रकाशित (3 बर्ष अघि)
पुनहिल संवाददाता
आईतावार देखी सुरु भएको एसईई परिक्षामा एक वडाध्यक्ष समेत तीन जना जनप्रतिनिधी र दुई दृष्टीविहिन विद्यार्थी सहभागी छन ।सदरमुकाम बेनीको प्रकाश माध्यामिक विद्यालयमा रहेका खुल्ला विद्यालयबाट अन्नपूर्ण गाउँपालिका, ८ राम्चेका वडाध्यक्ष खमबहादुर गर्वुजा, महिला सदस्य देवकुमारी गर्वुजा र खुल्ला सदस्य गेममायाँ पुन एसईई परिक्षामा सहभागी भए । गेममायाँ अन्नपूर्ण गाउँ कार्यपालिका सदस्य तथा लघुग उद्यमी र महिला स्वएंमसेविका समेत हुन । पहिलो पटक २०४४ सालमा एसएलसी परिक्षामा सामेल भएका वडाध्यक्ष गुर्वजाले गणित विषयमा अनुतिर्ण भएपछि पढाई छोडेका थिए ।‘एसएलसी परिक्षा त्यागेको ३३ बर्षपछि वल्न पढाईको ठक्कर लाग्यो, वडाध्यक्ष भएपछि पठाईको महत्व वुझैं र परिक्षा दिन आएको हुँ’ बेनीको सामुदायीक परिक्षा केन्द्रमा भेटिएका गर्वुजाले भने, ‘ब्यवहारिक ज्ञानले पनि सिकाएकोले परिक्षा पास हुन्छु भन्ने विश्वास छ ।’त्यसैगरी ज्ञानोदय माध्यामिक विद्यालय दृष्टीविहिन श्रोत कक्षाबाट अध्ययन गरेका दृष्टीविहिन भरत रिजाल र लक्ष्मण बुढाथोकी मुक्तिधाम मावि केन्द्रबाट एसईई परिक्षामा सहभागी भए ।जिल्ला शिक्षा विकास तथा समवन्य इकाईका अनुसार यस बर्ष ९ वटा परिक्षा केन्द्रमा एक हजार १ सय ११ जना छात्रा समेत दुई हजार दुई सय ३६ जना विद्यार्थी एसईई परिक्षामा समेल छन । जसमध्य गलेश्वर माध्यामिक विद्यालयका ३२ जना सिभिल इन्जिनियरिङका विद्यार्थी छन । २५ जना खुल्ला तर्फबाट र ७ जनाले ग्रेडबृद्धीकालार्गी परिक्षामा सामेल भएका हुन ।