आज:  | Sun, 03, Jul, 2022

राताम्मे गुराँसमा सेताम्मे हिउँ

१५ फाल्गुन २०७५, बुधबार ०५:२४ मा प्रकाशित (3 बर्ष अघि)
पुनहिल संवाददाता
जंगलभरी ढकमक्क गुराँस फुलेको छ । ढकमक्क गुराँस फुलेर राताम्मे जंगलमा छपक्कै हिउँले छोप्दा, तेस्रो सौन्दर्य देखिएको छ ।जिल्लाका माथिल्लो भेगका वस्तीमा बाक्लो हिमपात भैरहेको छ । तेस्रो पटक मंगलवार रातीदेखी हिमपात भैरहेकोले पर्यटकिय वस्ती घोडेपानी समेत उच्च भेगका वस्तीको जनजिवन प्रभावित भएको छ । गुराँशले राताम्मे बनेका वन, पाखा बाक्ले हिउँले छोपेको छ । वल्लो पल्लो गाउँ गर्ने बाटा बन्द छन । गाईवस्तु गोठमा थुनिएका छन । चिसो अधिक बढेको छ । राताम्मे भएको गुराँसे जंगल हिउँले छोपेपछि सेताम्मे थुंगा झर्न थालेका छन ।‘राताम्मे गुराँसको जंगल वेमौषमी हिमपातले सेताम्मे भएको छ । हिउ र गुराँस एकैपटक देख्न पाउँदा रमाईलो भएको छ’ हिस्तानकी कविता पुनले भनिन्, ‘गुराँसका थुँगामा थुप्रिएको सेतो हिउँको दृष्य मनमोहक देखिएको छ ।’हिमपातले पर्यटकीय क्षेत्र महरे, घोडेपानी/पुनहिल, खोप्रो, गुर्जा लगाएत जिल्लाको अधिकांश वस्तीहरु हिउँले ढपक्कै ढाकिएको छ । हिमपातबाट पर्यटकीय छन्त्याल वस्ती गुर्जा, पर्यटकिय गन्तब्य घोडेपानी लगाएतका वस्ती विच्छेद भएको छ । गुर्जामात्र होईन जिल्लाका माथिल्लो भेगका प्रायः सवै वस्तीका गोरेटो तथा घोरेटो बाटोमा बाक्लो हिउँ जममपछि वल्लो गाउँबाट पल्लो गाउँ पुग्न सक्ने अवस्था छैन ।

तस्वीर सौजन्य ः कविता पुन, हिस्तान