पुनहिल संवाददाताम्याग्दीका प्रमुख जिल्ला अधिकारी लिलाधर अधिकारीको सुरक्षा गार्ड प्रहरी हवल्दार हरीबहादुर कुमाल तीन दिनदेखी वेपत्ता छन ।
हवल्दार कुमाल अन्य सहयोगी सहित प्रमुख जिल्ला अधिकारीको ब्यक्तिगत सुरक्षा अधिकारी (पिएसओ) सुरक्षामा खटिएका थिए । शनिवार दिउँदो विरामी छु भन्दै प्रजिअ आवासमा रहेको पोष्टबाट बाहिरएका कुमाल सम्पर्कमा छैनन ।
‘म शुक्रवारदेखी दुर्गम धौलागिरी गाउँपालिका, ६ मराङमा एकिकृत घुम्ती शिविरमा थिएँ । आलोपालो हुने भएकोले मसँग अर्का पिएसओ थिए । शनिवार राती शिविरबाट फर्कदा पिएसओ वाहिर गएर नफर्केको जानकारी भएन । आईतवार विहान मात्र मैले थाहा पाए’ प्रमुख जिल्ला अधिकारी लिलाधर अधिकारीले भने, ‘प्रहरी मार्फत ट्याकिङ भैरहेको छ । घरपरिवार र प्रहरी कार्यालयमा पनि सम्पर्कमा छैनन ।’
जिल्ला प्रहरी कार्यालयले वेपत्ता कुमालको घरपरिवार र संभावित सवै ठाउँमा खोजी भैरहेको जनाएको छ । कुमाल यस अघि बाग्लुङ र गोर्खामा रहँदा पनि अचानक वेपत्ता हुने र फर्कने गरेको प्रहरीले दावि गरेको छ ।
‘हामी खोजीमा छौं । परिवारले पनि उनी वेलावेला सम्पर्क विहिन हुने गरेको र यस अघि कार्यरत रहेको जिल्लामा बुभ्mदा पनि यस्तै ब्यवहार देखाएको जानकारी आएको छ’ प्रहरी प्रमुख डिएसपी वीरबहादुर बुढाले भने, ‘प्रह कुमालको खोजीमा कुनै कसर राखेका छैनौं । कुमाल छिट्टै सम्पर्कमा आउने विश्वास छ ।’
