पुनहिल संवाददाता
गण्डकी प्रदेशका मख्यमन्त्री पृथ्वीसुब्बा गुरुङले जलविधुत, पर्यटन, पशुपालन र जडिबुटीमा लगानी र ब्यवस्थापनगरी आम्दानी बढाएर दुर्गम क्षेत्रको जीवनस्तर उकास्न सुझाएका छन ।
‘पर्यटन, जडिवुटी, जलविधुत र पशुपालन नै धौलागिरी गाउँपालिकोको मुख्य लगानी र ब्यवस्थापन गर्नु पर्ने क्षेत्र हुन । यसैमा ध्यान केन्द्रीत गर्नुस’ मुख्य मन्त्री गुरुङले भने, ‘अपार संभावना पहिचान गरिसकेपछि गाउँ पालिकाका कार्यक्रम र बजेट पनि सोही अनुसार बनाउनु आवश्यक छ । जनताको आम्दानी नबढाई जीवनस्तर बृद्धी हुँदैन । आम्दानी बढाउन पर्यटन, जडिबुटी, पशुपालनलाई ब्यवसायीकरण गर्नु प¥यो ।’
जिल्लाको सवैभन्दा दुर्गम र ठूलो धौलागिरी गाउँपालिकाको पाचौं गाउँसभा मुनामा उद्घाटन गर्न मुख्य मन्त्री गुरुङ आईतवार मुना पुगेका हुन ।
धौलागिरी गाउँपालिकाको पाचौं गाउँ सभा उद्घाटनमा मुख्य मन्त्री गुरुङ्गले उत्तरको अन्नपूर्ण संरक्षण क्षेत्र आयोजना (एक्याप) र पश्चिमको ढोरपाटन सिकार आरक्ष विचमा रहेको धौलागिरी हिमालमुनीको राष्ट्रिय वनलाई संरक्षण क्षेत्रमा विकास गर्न स्थानीय तहबाट पहल थाल्न सुझाए ।
गाउँ सभा उद्घाटन कार्यक्रममा प्रमुख जिल्ला अधिकारी लिलाधर अधिकारीले धौलागिरी गापा दुर्गम भएपनि पर्यटन, जलविधुत, जडिबुटीको अपार संभावनामा लगानीबृद्धी गर्न सुझाए ।
गाउँ सभामा धौलागिरी गाउँ पालिकाको विपतजोखिम न्यूनिकरण तथा ब्यवस्थापन गर्न बनेको विधेयक, विनियोजन बजेटको पहिलो संशोधन, गत आवको मौजद बजेट बाँडफाँड र पर्यटन सूचना केन्द्र स्थापना शुल्क निर्धारण सम्बन्धी विषय प्रस्ताव राखिएको गाउँपालिकाका उपाध्यक्ष रेशम छन्त्यालले बताए ।
फोटो सौजन्य ः रेशम छन्त्याल, उपाध्यक्ष, धौलागिरी गाउपालिका
