पुनहिल संवाददाता
चिसोले यात्रुको चाप घटेपछि सडकमा ट्राफिक चाप छैन । फाट्टफुट्ट दौडेका छन, निजी तथा सार्वजनिक गाडी । विच सडकमा उभिएका छन, सेतो टोपीवाला पुलिस अर्थात ट्राफिक प्रहरी । सडकमा सेतो टोपिवाला देखेपछि डाईभर झस्कन्छन । ट्राफिक प्रहरीले चालकलाई गाडी रोकेर ओर्लन आदेश दिन्छन, लुरुलुरु ओर्लन्छन, उनीहरु ।
बेनी–गलेश्वर सडक खण्डको सेतीपहिरोको अलि चौडा सडक । सडक छेउमा टेवुल कुर्ची । घा“टीमा स्थाईमो मेनोमिटर (विपिसेट) झुण्डाएका डाक्टर । सडक किनारामा आ“खाको दृष्टी परिक्षण गर्ने सेनल चार्ट (अक्षर) झण्डिएको छ । सवारी दुर्घटना न्यूनिकरण गर्ने उद्देश्यले ट्राफिक प्रहरीले चालकको रक्तचाप (प्रेसर) र आँको दृष्टी क्षमता परिक्षण गर्न विहिवार सडकमै श्वास्थ्य परिक्षण शिविर राखेको हो ।
बेनी जिल्ला अस्पताल र आँखा उपचार केन्द्रको प्राविधिक सहयोगमा निःसुल्क शिविर गरिएको जिल्ला ट्राफिक कार्यालयले जनाएको छ । ७५ जना चालकको ब्लड प्रेसर र दृष्टी परिक्षण गर्दा ७ जनामा उच्चरक्तचाप र २ जना चालकको न्यून दृष्टी समस्या पत्ता लागेको थियो ।
‘चालकको उच्चरक्तचाप र दृष्टीमा समस्या हुँदा सडक दुर्घटना बढेको भेटिएपछि उनीहरुको रक्तचाप र दृष्टी परिक्षण गराएका हौं’ ट्राफिक कार्यालयका प्रहरी सहायक निरिक्षक मित्रलाल ढकालले भने, ‘केही चालकहरुमा न्यून दृष्टी र उच्च रक्तचापको समस्या भेटियो । थप उपचार गर्न र आहारविहारमा सुधार गर्न सुझाएका छौं ।’
