आज:  | Tue, 05, Jul, 2022

दाउरे हिटर प्रभावकारी

२१ पुष २०७५, शनिबार १२:०८ मा प्रकाशित (3 बर्ष अघि)
पुनहिल संवाददाता
पर्यटकीय वस्ती घोडेपानी, चित्र, महरे, नागी, खोप्राका होटल र घरघरमा जोडिएको आगोले पानी तताउने प्रविधी (स्मोक हिटर)ले पुसको जाडोमा उपयोगी भएको छ ।रगत नै जमाउला जस्तो चिसो पानीले नुहाउन त के मुख धुन नसकिने सकिन्न । तर स्मोक हिटर (दाउरे हिटर) जोडेपछि भने जाडोमा भाँडावर्तन, हातमुख, कपडा र नुवाईधवाई गर्न सहज भएको छ ।‘ग्याँस वा विजुलीले खाना पकाउन छिटो, सफा र सजिलो भएपनि हाम्रो भुगोल र वातावरण अनुकुल हुँदैन । कम्तीमा जोडो मौषमका चार महिना दाउरा बाल्नै पर्ने बाध्यता छ’ घोडेपानीका पर्यटन ब्यवसायी शुशिल पुनले भने, ‘दाउराबाट पानी तताउने प्रविधी नजोडे पाहुनालाई पनि चिसोले सास्ती हुन्छ । हिमपातहुँदा झन टिक्नै सकिन्न ।’होटलका सुधारिएको चुल्हो÷अगेनोमा जिआई पाईप विच्छाएर त्यही पाईपबाट पानी सप्लाईगरी ट्याङ्गीमा पठाईन्छ । बाहिरबाट आएको चिसोपानीलाई अगेनाको आगोले जीआई पाईपमा तताएर ट्याङ्गीमा पठाईने भएकोले ट्वाईलेट, बाथरुमा तातोपानी पुग्ने गरेको छ ।सोलार हिटर तथा सुधारिएको चुहेसमेतको स्मोक हिटर जोडिएपछि चिसो क्ष्ँेत्रका पर्यटकीय क्षेत्रमा पुगेका पर्यटकलाई साझ ज्यान तताउन पनि सजिलो भएको छ । अन्नपूर्ण संरक्षण क्ष्ँेत्रका प्रायः होटलको डायनिङ्ग हलमा पर्यटकलाई तातो बनाउन समेत छुट्टै स्मोक हिटर राखिएको हुन्छ । हिमालपारीको मुस्ताङ्गका होटल तथा ब्यक्तिगत घरहरुमा पनि बाख्लो काम्लोले मोडिएका टेवल मुनी आगो बालेर हिटरको रुपमा प्रयोग गरिन्छ ।‘अन्नपूर्ण सर्किटका घान्दु्रक घोडेपानीदेखी महरे, खोप्रामा दाउराले पानी तताउने र ज्यान तताउने स्मोक हिटर प्रचलनमा छन’ एक्याप घान्दु्रकका प्रशासन सहायक आनन्द सुवेदीले भने, ‘यहाँका होटलमा मात्र होईन ब्यक्तिका घर, सरकारी कार्यालय र विद्यालयमा समेत स्मोक हिटर जोडिएका छन । केहीमा भने सोलार हिटर पनि छन ।’