पुनहिल संवाददाता
पुनहिल– म्याग्दीखोला करिडोरमा २५ मेगावाट क्षमताको पहिलो जलविधुत दरवाङ्ग म्याग्दीखोला आयोजनाको निर्माण सुरु भएको छ ।
५ अर्व १५ करोड लागत अनुमान गरिएको आयोजनाको विधुत गृहको महिला, बालबालिका तथा जेष्ठ नागरिक मन्त्री थममायाँ थापाले शिलन्यास गरिन । सदरमुकाम बेनीबाट २४ किमी पश्चिम मालिका गाउँपालिका, ५ र ७ विम तथा धौलागिरी गापा, ७ धारापानीको फेदीमा बाँध निर्माणगरी ५ किलोमिटर लामो सुरुङ्गबाट म्याग्दीखोलाको पानी ल्याई मालिका गापा, ६ दु:खुवेशीमा रहने विधुत गृहमा खासाल्ने योजना छ ।
एनआरएन दक्षिण कोरियाका पूर्व अध्यक्ष स्थानीय विनोद कुँवरले नेतृत्व लिएपछि आयोजनाले गति लिएको हो । म्याग्दी प्रवासी नेपाली संघ (मोना), गैह्आवसिय नेपाली संघ (एनआरएन) आवद्ध जिल्लाबासीको म्याग्दी इन्भेष्टमेन्ट कम्पनी र ग्लोवल फ्रेण्डसिप क्यापिटल लिमिटेड आयोजनाको मुख्य प्रर्वद्धक छन ।
‘सवै जिल्लाबासीलाई विधुत आयोजनामा जोडिन हामी अनुरोध गरेका छौं । सवै मिलेर आयोजना सम्पन्न गरौं । अरु आयोजनापनि छन, सवै स्थानीय लगानीमा गरौं’ आयोजनाका अध्यक्ष विनोद कुँवरले भने, ‘सवै क्षेत्र र पक्षसँगको सहकार्यले आयोजना समयभित्रै सम्पन्न गर्ने लक्ष्य छ ।’
आयोजनाको ३० प्रतिशत संस्थापक/सर्वसाधारण र ७० प्रतिशत वैंक क्लोजर रहने छन । आयोजनाको बैंक क्लोजरमा प्रभु, कुमारी वैंक समेत ६ वटा विकास वैंकरहेका छन । आयोजनाबाट उत्पादन हुने विधुत १३२ केभिए ट्रान्समिसन लाईनबाट १४ किमी तल बेनीनगरपालिका, ४ डाँडाखेत स्थित सवस्टेसनमा जोडि केन्द्रीय प्रसारणलाईनमा जोडिने आयोजनाका प्रवन्ध निर्देशक ई.हर्कमान मगरले बताए ।
