पुनहिल भ्रमण वर्ष गन्तब्य घोषणा

सरकारले भ्रमण वर्षको अवसरमा घोषणा गरेको एक सय गन्तब्य स्थलमा पुनहिललाई पनि समेटेको छ । म्याग्दीको अन्नपूर्ण गाउँपालिका-६, मा पर्ने पुनहिल–घोडेपानीलाई पोखराबाट छोटो दुरीमा सस्तो मुल्यमा गर्न घुम्न सकिने पर्यटकीय गन्तब्य घोषणा गरेको छ । कास्की र म्याग्दीका दुई अन्नपूर्ण गाउँपालिकाको सिमामा अवस्थित घोडेपानीको सिरानमा प्रख्यात दृष्यस्थल पुनहिल रहेको छ ।लुङतुङ डाँडोबाट गुर्जा, धौलागिरि, टुक्चे, धम्पुस, नीलगिरी,हिमचुली, अन्नपुर्ण, लमजुङ्ग, माछापुच्छ्रे समेतका हिमश्रृखला हेर्न विश्व विख्यात छ । यहाँका मगरहरु हरेक विहान वरीपरीका हिमाली देवतालाई सम्झन्छन ।

पदयात्रामा आएका पर्यटककालागी दोस्रो घर हो, घोडेपानी । गाउँ पर्यटनकालागी अनुकरणीय छ । पुनहिल चढ्ने क्रममा अशक्त हुनेहरुलाई आफैले बोकेर मोटरबाटोसम्म लैजान्छन, गाडीको ब्यवस्थागरी अस्पतालसम्म पुर्‍याउँछन । छिटो उद्धार गर्नु पर्ने विरामीलाई हेलिकोप्टर नै मगाई दिन्छन पनि । अन्य पर्यटकिय क्षेत्रमा जस्तो पर्यटनलाई बढी ब्यवसायीक मान्दैनन । उचाईको कारण होस वा अन्य दुर्घटनाबाट अफ्ठ्यारोमा परेका सवै पाहुनालाई यहाँका ब्यवसायीले भ्याएसम्म साथ र सहयोग गर्ने गरेका छन । ‘यहाँ सेवा र सहयोगी भावना बढी छ । हामीले कमाएको विश्वास पनि यही हो’ पर्यटन ब्यवसायी टेकसर बुद्धुजाले भने, पैसै सवै कुरा होईन । र उनीहरुले हाम्रो गुन पनि तिरेकै छन । घोडेपानीका ब्यवसायीमा पर्यटकलाई दोहोन गर्ने होईन आत्मियता सहितको सेवाबाट आर्जेको पैसालाई पूर्वाधार निर्माणमा लगानी गर्न सरकारको मुख ताक्ने संस्कारबाट पनि मुक्त छन । यसैको उदाहरण हो, घोडेपानी–पुनहिलमा निर्माण गरिएका पूर्वाधारहरु । जनश्रमदान, पर्यटकबाट संकलन भएको आर्थिक सहयोगबाट ब्यवसायीले घोडेपानी–पुनहिल पदमार्गलाई पूर्वाधारयुक्त बनाएका हुन ।

घोडेपानीबाट माथी पुनहिल डाँडामा पुग्ने उकालो बाटोमा ढुङ्गाको सिंढी विच्छाउने, दुवै किनारमा स्टीलको रेलिङ्ग राख्ने, भ्यू पोइन्ट, उकालो बाटो र पुनहिलका भ्यू पोईन्टहरुमा आराम बेञ्चहरु, कफी हाउस जस्ता पूर्वाधारहरु थप गरिएको हो । स्थानिय युवा क्लवले पुनहिल टावर वरपरको ढुङ्गेपर्खाल उठाएर आरामदायी भ्यू पोईन्ट, कफी हाउस र  १५ वटा आराम बेञ्च राखेको हो । पुनहिल पुग्ने बाटो साँघुरो र चिप्लो भएको थियो । अहिले पुरै ढुङ्गाको छपनी विच्छाएको सिँढी र उकालोमा पर्यटकलाई सुस्ताउनकालागी विच–विचमा आराम बेञ्च राखेका छौं’ पुनहिल युवा क्लवका सदस्य चित्रबहादुर पुनले भने,–‘पर्यटन ब्यवसायी, आमा समुह र युवा क्लवको योगदान उल्लेख्य छ ।