आज:  | Tue, 05, Jul, 2022

रुईसे आईसफल नयाँ गन्तब्य

२८ कार्तिक २०७५, बुधबार १०:३४ मा प्रकाशित (3 बर्ष अघि)
पुनहिल संवाददाता
सरकारले विहिवार रघुगंगा र अन्नपूर्ण गाउँपालिका तथा मुस्ताङ्गको लेते समेटेर बनेको रुईसे–धौलागिरी आईसफल एडभेन्चर ट्रेललाई नयाँ गन्तब्य घोषणा गरेको छ ।सरकारले सय गन्तब्यमा रुईसे–आईसफल ट्रेललाई पनि समावेश गरेकोमा हामी उत्साही छौं’ पदमार्ग निर्माण समितिका अध्यक्ष ध्रव पाईजाले भने, ‘स्थानीयले पनि रुईसे–आईसफलसम्मको चार दिनसम्मको पदमार्ग सुधार गर्ने, पूर्वाधारयुक्त बनाएका छौं । थप सुविधा थप्न र आवश्यक अन्य सहयोग गर्न आतुर छौं ।धौलागिरी हिमालको उत्तरपूर्वि मोहडाबाट झर्ने हिउँ झरना ९आईसफल० सम्म पुग्ने पदमार्गलाई आईसफल पदमार्ग भनिन्छ । म्याग्दीको बेनीदेखी तिन किलोमिटर उत्तरमा पर्ने समुद्र सतहदेखी ९ सय मिटर अग्लो गलेश्वरबाट पदमार्ग शुरु भै भगवतीकोट, रुईसे, चिमखोलाको धुरीमा पर्ने कालापहाड हुँदै धौलागिरी आईसफल छेउबाट मुस्ताङ्गको याकखर्क, नारउरीकोट, लेते निक्लन सकिन्छ । एड्भेन्चर पदयात्राकालागी नयाँ गन्तब्य आईसफल पदयात्रा क्याम्पेन ट्रेक हो । पदयात्रामा गोरेटो निर्माण, खानेपानी तथा विसौनी, बाटो संकेत बोर्ड र हावाहुरी र हिमपातको बेला पर्यटकको सुरक्षाकालागी विभिन्न स्थानमा सामुदायिक भवनहरु निर्माण गरिएका छन ।