म्याग्दी जेसीज कपको उपाधी माउण्ट एभरेष्टलाई

बेनीमा शनिवार सम्पन्न २२ औं अन्तरमावि म्याग्दी जेसीज कप फुटबल उपाधी माउण्ट एभरेष्ट आवासीय माविले हात पारेकाे छ ।
खेलमा निर्धारित समयमा १–१ बराबरीपछि पेनाल्टी सुटआउटमा बेनी सामुदायिक माविलाई ४ का विरूद्ध ५ गाेलले पराजित गदैं माउण्ट एभरेष्टले उपाधी जितेको हो ।
प्रतियोगिताका विजेता माउण्ट एभरेष्टले जनप्रिय मावि दरबाङ र उपविजेता बेनी सामुदायिक माविले डिफेन्डिङ च्याम्पियन न्यु वेष्ट पोइन्ट आवासीय माविलाई हराउँदै फाइनलमा प्रवेश गरेका थिए ।
प्रतियोगितामा सर्वाधिक गोलकर्ता ११ गोल सहित सुनिल थापा,उत्कृष्ट गोलरक्षक बेनी सामुदायिकका सन्दिप खत्री, उत्कृष्ट डिफेन्डर माउण्ट एभरेष्टका मनोज मल्ल रहेका छन् ।
त्यस्तै उत्कृष्ट स्ट्राईकर सनम बिक, उत्कृष्ट मिडफिल्डर पवन खत्री, राईजिङ प्लेयर एन्जल थजाली तथा उत्कृष्ट प्रशिक्षक टिपेन पुन र अनुशासित टिम न्यू वेष्ट प्वाइन्ट आवासियलाई सम्मान गरिएकाे थियाे ।