लिटिल गार्डेन एकेडेमीले मनायो २१औं वार्षिकोत्सव

म्याग्दीको सदरमुकाम बेनीमा सञ्चालित लिटिल गार्डेन एकेडेमीले २१औं वार्षिकोत्सव तथा अभिभावक दिवस मनाएको छ ।
वार्षिकोत्सव समारोहको उद्घाटन गर्दै बेनी नगरपालिकाका नगर प्रमुख सुरत केसीले जिल्ला समन्वय समितिकाे सभाहलमा एक समाराेह विच उद्घाटन गरे ।
सो कार्यक्रममा शिक्षा विकास तथा समन्वय इकाई प्रमुख विदुर चापागाईँ, बेनी नगरपालिका, ८ का वडाध्यक्ष उत्तमकुमार कर्माचार्य, प्याब्सन अध्यक्ष हिराबहादुर पुन, विद्यालयका संस्थापक/निर्देशक बालकृष्ण सुवेदी, म्याग्दी बहुमुखी क्याम्पसका क्याम्पस प्रमुख श्रीधर सुवेदी, निवर्तमान क्याम्पस प्रमुख गोरखबहादुर जिसी, शिक्षक अभिभावक संघका अध्यक्ष टेकप्रसाद सापकोटा, अभिभावक ठाकुरप्रसाद शर्मा र विद्यार्थी दिक्षा पौडेलले विद्यालयके प्रगतिके शुभकामना ब्यक्त गरे ।
कार्यक्रमको अवसरमा गत शैक्षिक सत्रमा सञ्चालित माध्यमिक शिक्षा परीक्षा (एसइई)मा उत्कृष्ट अङ्कसहित जिल्ला प्रथम हुने विदिशा सुुवेदी, विद्यालयतर्फ द्वितीय सुशान्त सुवेदी र तृतीय प्रज्ज्वल बरुवाललाई दोसल्ला ओढाएर नगदसहित कदरपत्रले सम्मान गरिएको थियो ।
प्रिन्सिपल दिपक सुवेदीको अध्यक्षता र शिक्षक प्रेम जिसीको सञ्चालनमा सम्पन्न कार्यक्रममा विद्यार्थीद्वय प्रशान्त सुवेदी र सुप्रभा केसीले स्वागत गरे ।