धवलागिरीमा राष्ट्रपति रनिङ्ग शिल्ड सुरू

धवलागिरी गाउँपालिका– ७ ताकममा पाँचौ राष्ट्रपति रनिङ्ग शिल्ड अन्तरविद्यालय स्तरीय खेलकुद प्रतियोगिता सुरु भएको छ ।
प्रतियोगितामा धवलागिरीका ११ वटा माध्यमिक र एक वटा आधारभूत विद्यालय सहभागी भएका छन् । प्रतियोगिताके म्याग्दी निर्वाचन क्षेत्र ख (प्रदेश) का सदस्य रेशमबहादुर जुग्जालीले उद्घाटन गरे ।
एथलेटिक्स र भलिबलका २८ वटा खेलमा प्रतिस्पर्धा हुने प्रतियोगिता उद्घाटनका अवसरमा गरिएको मार्चपासमा धनजनता मावि फलियागाउँ प्रथम हुदै दश हजार नगद पुरस्कार प्राप्त गरेको छ ।
प्रथम, द्वितीय र तृतीय हुने विद्यालयले रनिङ्ग शिल्ड, मेडल, ट्रफी र प्रमाणपत्रसहित क्रमश ६० हजार, ४० हजार र ३० हजार रुपियाँ नगद पुरस्कार प्राप्त गर्नेछन् ।
हरेक खेलमा प्रथम हुने खेलाडीलाई नगद एक हजारसहित पुरस्कृत गरिने गाउँपालिकाले जनाएको छ ।