म्याग्दीमा तीन जना लघु उद्यमी सम्मानित

पयटन तथा उद्योग कार्यालय म्याग्दीले दशौं उद्योग दिवस–०८१ को अवसरमा बेनीका तीन जना लघु उद्यमीलाई सम्मान गरेको छ ।
सदरमुकाम बेनीमा सिलाई कटाई प्रशिक्षण/ब्यवसाय संञ्चालन गर्दै आएकी मेककुमारी पुन, जुत्ताचप्पल सिलाउने ब्यवसाय गर्दै आएका बेदना सु–सेन्टरका सुकलाल किसान र भैसीपालन गर्दै आएका शर्मा कृषी तथा पशुपंक्षि फर्मका कृष्णप्रसाद शर्मालाई सम्मान गरेको हो ।

सम्मानित ब्यवसायीलाई गण्डकी प्रदेश सभा सदस्य रेशमबहादुर जुग्जाली, जिल्ला समन्वय समितिका प्रमुख राजकुमार थापा, बेनी नगरप्रमुख सुरत केसी र प्रमुख जिल्ला अधिकारी गुरुदत्त ढकालले दोसल्ला सहित सम्मान पत्रले सम्मान गरेका थिए ।
उद्योग दिवसको सन्दर्झमा आयोजित कार्यक्रमका वत्ताले सही तरिकाले उद्योग, ब्यवसाय नचलेको, जनसंख्या भन्दाबढी तालिम संञ्चालन भएपनि ब्यवसायीक क्षमता नबढेको, कानुनी सास्ती देखी भ्रष्टाचारले सवै क्षेत्र थला परेको विषयमा चर्चा गरे ।