बेनी अस्पतालमा भर्ना भएका २ विरामीसमेत म्याग्दीमा चार जनामा कोरोना पुष्टी

लक्षणसहित बेनी अस्पतालको इन्डोरमा भर्ना भएका दुई विरामी समेत म्याग्दीमा विहिवार चार जनामा कोरोना संक्रमण पुष्टी भएको छ ।
बेनी अस्पतालमा केही दिन अघि भर्ना भएका विरामी पर्वतको जललजा गाउपालिका, ३ मल्लाजका ३९ बर्षिय पुरुष र रघुगंगा गाउपालिका,३ स्थित राहुघाट जलविधुत आयोजनामा कार्यरत ४९ बर्षिय भारतिय नागरिकलाई कोरोना पुष्टी भएको स्वास्थ्य कार्यालयल म्याग्दीले जनाएको छ । पर्वतका संक्रमितलाई पर्वत अस्पताललाई जिम्मा लगाईएको र मृगौला पीडित समेत रहेका राहुघाट हाईड्रोमा कार्यरत भारतिय नागरिकलाई भारत रिफर गर्न लागिएको स्वास्थ्य कार्यालय प्रमुख एकनारायण लम्सालले बताए ।
त्यसैगरी हालै बाहिरी जिल्लाबाट सरुवा भै आएका नेपाली सेनाको अथुङ्गे ब्यारेकमा कार्यरत भै सेनाकै क्वारेन्टाईनमा रहेका एक सैनिक र भारतबाट आई बेनीको माउण्ट एभरेष्ट क्वारेन्टाईनमा रहेकी मंगला गापा,१ की महिलामा पनि कोरोना संक्रमण पुष्टी भएको छ । दुवै जनालाई बेनी खुल्ला मञ्च स्थित आईसोलेसनमा लगिएको श्वास्थ्य कार्यालयले जनाएको छ ।

अस्पतालको बहिरंग विभागमा स्वास्थ्य परिक्षण पछि इन्डोरमा भर्ना भएका विरामीमा कोरोना पुष्टी भएसगै बेनीमा कोरोना संक्रमणको जोखिम उच्च भएको छ ।